| e-texts navigator |
| Wylie |
328b1 ཁྱིམ་བཀལ་གྱི་སེམས་ཅན་ཐམས་ཅད་གང་དང་གང་ལ་ཅི་དང་རྩིས་དོན་དུ་འགྱུར་བ་དེ་དང་དེ་ལ་དེ་དང་དེ་བྱིན་ནས་འདུ་ཤེས་བཅུའི་བསྡུ་བས་བསྡུས་ཏེ་བསྐྱོད་པར་བྱེད་ཅིང་།སེམས་ཅན་བྱེ་བ་ཕྲག
328b2 མང་པོ་དག་རིམས་བཞིན་དུ་བརྟུལ་ཏེ་སེམས་ཅན་དེ་དག་གི་དགེ་བའི་རྩ་བ་ཡོངས་སུ་སྨིན་པར་ཤེས་ནས།སྤྲིན་ཆེན་པོའི་མདོ་འདི་ལ་སོགས་པ་དེ་བཞིན་གཤེགས་པ་ཐམས་ཅད་ཀྱིས
328b3 གསུངས་པ་མཚུངས་པ་མེད་པའི་མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར་ཅིའི་ཐབས་ཀྱིས་ཀྱང་མཚུངས་པ་མེད་པའི་སྒྲ་སྒྲོགས་པར་བྱེད་ཅིང་།མཚུངས་པ་མེད་པའི་གླེགས
328b4 བམ་བྲིས་པའི་སྣོད་སངས་རྒྱས་ཀྱིས་གང་དང་གང་དུ་བྱིན་གྱིས་བརླབས་པའི་གནས་རྣམས་སུ་འཇོག་པར་བྱེད་དེ།དེ་ལྟར་མཚུངས་པ་མེད་པའི་ས་བོན་བསྐྱེད་ནས་དེའི་འོག་ཏུ་འཆི་བའི་དུས
328b5 བྱེད་པར་འགྱུར་རོ།།དེའི་ཚེ་ལྷ་མོ་ལོ་ཏོག་འབྱོར་མ་ཤེས་རབ་ཆེན་མོ་ཐབས་མཁས་པ་ཟབ་མོ་ཤེས་པ་དང་ལྡན་པའི་ལྷ་མོ་བུད་མེད་ཀྱི་ལུས་ལས་ལྡོག་པོར་འགྱུར་རོ།།སྤྲིན་ཆེན་སྙིང་པོས
328b6 གསོལ་པ།བཅོམ་ལྡན་འདས་ཅི་ལྷ་མོ་འདི་སེམས་ཅན་ཐམས་ཅད་ཀྱི་དད་པ་བསྐྱེད་པའི་སླད་དུ་ཆོ་འཕྲུལ་ཆེན་པོ་བགྱིས་ནས་ཡོངས་སུ་མྱ་ངན་ལས་འདའ་བར་འགྱུར་རམ།བཀའ་སྩལ་པ།
328b7 སྤྲིན་ཆེན་སྙིང་པོ་ཅི་ལྕེ་མོ་འདི་ཆོ་འཕྲུལ་ཆེན་པོ་བྱེད་མི་ནུས་ཞེས་ཁྱོད་སྨྲ་འམ།བཅོམ་ལྡན་འདས་དེ་ནི་མཾ་ལགས་སོ།།བཀའ་སྩལ་པ།སྤྲིན་ཆེན་སྙིང་པོ་ལྷ་མོ་འདི་ཆོ་འཕྲུལ་ཆེན་པོ་སྟོན་མི
iiif viewer powered by OpenSeadragon
