| e-texts navigator |
| Wylie |
175a1 ཟད་ཀྱང་བྱས་པ་མེད་དོ།།དེ་ཅིའི་ཕྱིར་ཞེ་ན།རིགས་ཀྱི་བུ་དག་འདི་ལྟ་སྟེ།དེ་བཞིན་གཤེགས་པའི་ཆོས་ཀྱི་ཚུལ་གཟུང་བ་འདི་ནི་དཀའ་བའོ།།རིགས་ཀྱི་བུ་དག་ཆོས་སྨྲ་བ་དེས་ཀྱང
175a2 ཆོས་ཀྱི་རྣམ་གྲངས་འདི་བཤོད་པ་དང་།བསྟན་པ་དང་།ཡང་དག་པར་སྟོན་པའི་ཚེ།འཇིགས་པ་མེད་པར་བྱའོ།།མ་ཞུམ་པ་དང་།སྤྲ་མ་གོང་བ་དང་།ཞེམ་འགྲུས་པའི་སེམས་དང་།གོས་གཙང
175a3 མ་བགོས་ཏེ་དད་པ་བསྐྱེད་པར་བྱའོ།།བདག་གི་བསྔགས་པ་བརྗོད་ཀྱང་མི་སྙེམས་པ་དང་།ང་རྒྱལ་དུ་མི་གཟུང་བར་བྱ་སྟེ།བདག་མི་བསྟོད།གཞན་མི་སྨོད་ཅིང་།དེས་ཟང་ཟིང་མེད་པའི་སེམས་ཀྱིས
175a4 རི་མོར་བྱས་ཏེ་ཆོས་བསྟན་པར་བྱའོ།།དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།།བཅོམ་ལྡན་འདས་དོག་སའི་ཕྱོགས་གང་དུ་ཆོས་ཀྱི་རྣམ་གྲངས་འདི
175a5 བཤད་པ་འམ།བསྟན་པར་འགྱུར་བའི་ས་ཕྱོགས་དེར་ཆོས་ཀྱི་རྣམ་གྲངས་འདི་མཉན་པ་དང་།ཆོས་སྨྲ་བ་དེ་ལ་སྨན་པར་བགྱི་བའི་སླད་དུ་བདག་ཅག་དཔུང་དང་བཅས་འཁོར་དང་བཅས་ཏེ་མཆིའོ།།
175a6 བཅོམ་ལྡན་འདས་ཀྱིས་བཀའ་སྩལ་པ།ཀཽ་ཤི་ཀ་ལེག་སོ་ལེགས་སོ།།ཁྱོད་ཀྱི་དེ་ལྟར་གྱིས་ཤིག།ཀཽ་ཤི་ཀ་ཁྱོད་ཀྱིས་དེ་བཞིན་གཤེགས་པའི་ཆོས་ཉིད་ཡོངསུ་བསྲུང་བར་བྱའོ།།དེ་ནས་བཅོམ
175a7 ལྡན་འདས་ལ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་གསོལ་པ།བཅོམ་ལྡན་འདས་ཆོས་ཀྱི་རྣམ་གྲངས་འདི་མིང་ཅི་ཞེས་བགྱི།འདི་ཇི་ལྟར་གཟུང་བར་བགྱི།བཅོམ་ལྡན
iiif viewer powered by OpenSeadragon
