| e-texts navigator |
| Wylie |
174b1 གཟུང་བར་བྱའོ།།ཆོས་ཀྱི་འཁོར་ལོ་རབ་ཏུ་བསྐོར་བར་གཟུང་བར་བྱའོ།།མཆོད་རྟེན་ཆེན་པོར་གཟུང་བར་བྱའོ།།བདག་ཅག་གི་སྟོན་པ་གནས་འདི་ན་བཞུགས་པར་གཟུང་བར་བྱང།།རིགས་ཀྱི་བུ་དག
174b2 དེ་ཅིའི་ཕྱིར་ཞེ་ན།ཆོས་ཉིད་འདི་ནི་བྱང་ཆུབ་བོ།།ཆོས་ཉིད་འདི་ནི་ཆོས་ཀྱི་འཁོར་ལོ་རབ་ཏུ་བསྐོར་བའོ།།རིགས་ཀྱི་བུ་དག་དེ་བཞིན་གཤེགས་པ་ནི་ཆོས་ཀྱི་སྐུ་སྟེ།རིགས་ཀྱི་བུ་དག་ཆོས་མཆོད་པས
174b3 དེ་བཞིན་གཤེགས་པ་རྣམས་མཆོད་པར་འགྱུར་རོ།།ས་ཕྱོགས་གང་ན་ཆོས་སྨྲ་བ་དེ་གནས་པ་དེ་ལའང་མཆོད་རྟེན་དུ་འདུ་ཤེས་བསྐྱེད་པར་བྱ་སྟེ།ཆོས་སྨྲ་བ་དེ་ལའང་བླ་མར་འདུ་ཤེས་བསྐྱེད་པར་བྱའོ།།།
174b4 དདགེ་བའི་བཤེས་གཉེན་དུ་འདུ་ཤེས་བསྐྱེད་པར་བྱའོ།།ལམ་སྟོན་པར་འདུ་ཤེས་བསྐྱེད་པར་བྱའོ།།ཆོས་སྨྲ་བ་དེ་མཐོང་ན་འགའ་བ་དང་།དད་པ་དང་།རངས་པ་བསྐྱེད་པར་བྱའོ།།རིམ་གྲོར་བྱས་ཏེ་སྟོན
174b5 ལ་བདར་བར་བྱའོ།།ཆོས་སྨྲ་བ་དེའི་བསྔགས་པ་བརྗོད་པར་བྱའོ།།ལེགསོ་ཞེས་བརྗོད་པ་མང་བར་བྱའོ།།རིགས་ཀྱི་བུ་དག་ངས་བསྐལ་པ་འམ།བསྐལ་པ་ལས་ལྷག་པར་ཆོས་སྨྲ་བ་དེའི་བསྔགས་པ
174b6 བརྗོད་ཀྱང་ཆོས་སྨྲ་བ་དེ་ལ་ཅུང་ཟད་ཀྱང་ཕན་པར་བྱས་པ་མེད་དོ།།དེ་ཅིའི་ཕྱིར་ཞེ་ན།རིགས་ཀྱི་བུ་དག་འདི་ལྟ་སྟེ།བཀུར་སྟིར་བྱ་བ་དང་།བཙུན་པར་བྱ་བ་དང་།བསྔགས་པ་བརྗོད་པ་ནི་གྱི་ན་ཅུང་ཟད་དུ
174b7 ཟད་དོ།།རིགས་ཀྱི་བུ་དག་གལ་ཏེ་ཆོས་འདི་འདོད་པའི་རིགས་ཀྱི་བུ་འམ་རིགས་ཀྱི་བུ་མོ་དག་གིས་ཆོས་སྨྲ་བ་དེ་འོང་བའི་ལམ་བདག་གི་ཁྲག་གིས་ཆོག་ཆག་བྱས་ནས་ཀྱང་ཆོས་སྨྲ་བ་དེ་ལ་ཕན་པ་ཅུང
iiif viewer powered by OpenSeadragon
