| e-texts navigator |
| Wylie |
172a1 ཁྱོད་ཀྱིས་དཀོན་མཆོག་འབྱུང་བ་དེ་ལྟ་བུ་ཐོས་པར་གྱུར་པ་ནི་ཁྱོད་ཀྱིས་ཐོབ་པར་བྱ་བ་ལེགས་པར་ཐོབ་བོ།།དེ་ནས་འཁོར་དེར་ཚོགས་པའི་ནང་ན་ལྷའི་བུ་ཁ་ཅིག་འདི་སྙམ་དུ
172a2 སེམས་པར་གྱུར་ཏོ།།ལྷ་མོ་འདིས་ཇི་སྲིད་ཅིག་ནས་ཆོས་ཀྱི་རྣམ་གྲངས་འདི་ཐོས་ནས་དེ་སྙེད་ཀྱི་དེ་བཞིན་གཤེགས་པ་མང་པོ་ལ་བསྙེན་བཀུར་བྱས་ཀྱང་།འདི་བུད་མེད་ཀྱི་ལུས་ལས་མ་བསྒྱུར
172a3 སྙམ་པ་དང་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བས།ལྷའི་བུ་དེ་དག་གི་སེམས་ཀྱི་རྟོག་པ་སེམས་ཀྱིས་ཡོངསུ་ཤེས་ནས།བཅོམ་ལྡན་འདས
172a4 ལ་འདི་སྐད་ཅེས་གསོལ་ཏོ།།བཅོམ་ལྡན་འདས་དེ་ལྟར་ལྷ་མོ་མི་འཆི་བ་འདིས་ཆོས་ཀྱི་རྣམ་གྲངས་འདི་ལྟར་རྫུ་འཕྲུལ་ཆེ་བ་ཐོབ་ལ།དེ་བཞིན་གཤེགས་པ་དེ་སྙེད་དུ་མང་བ་ཞིག་བསྙེན་བཀུར་བགྱིས
172a5 ན།ཅིའི་རྒྱུ་ཅིའི་རྐྱེན་གྱིས་བུད་མེད་གྱི་ལུས་མ་བསྒྱུར།བཅོམ་ལྡན་འདས་ཀྱིས་བཀའ་སྩལ་པ།རིགས་ཀྱི་བུ་འདི་ལ་སེམས་ཅན་གྱི་དོན་ནི་རྒྱུའོ།།སེམས་ཅན་གྱི་དོན་ནི་རྐྱེན་ཏོ།།དེ་ཅིའི་ཕྱིར་ཞེ་ན།
172a6 རིགས་ཀྱི་བུ་ལྷ་མོ་མི་འཆི་བ་ནི་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ།རྫུ་འཕྲུལ་ཆེ་བ།མཐུ་ཆེ་བ་སྟེ།རིགས་ཀྱི་བུ་ལྷ་མོ་མོ་འཆི་བས་གང་དྲུག་པར་ལེན་དུ་བཅུད་པ་དང་།
172a7 གཟེངས་བསྟོད་པ་དང་།བྱང་ཆུབ་ཏུ་སེམས་བསྐྱེད་པ་ལས་ཡོངསུ་མྱ་ངན་ལས་འདས་པའི་སངས་རྒྱས་ནི་བགྲང་བ་ལས་འདས་པ་ཞིག་ངས་མངོན་པར་ཤེས་ཏེ།།རིགས་ཀྱི་བུ་དེ་ལྟར་ན་ལྷ་མོ་མི་འཆི
iiif viewer powered by OpenSeadragon
