| e-texts navigator |
| Wylie |
459b1 གྱིས་ཡོངས་སུ་ཟིན་པ།བརྩོན་འགྲུས་བརྩམས་པ་ནི་ཐམས་ཅད་མཁྱེན་པའི་ཡེ་ཤེས་ལ་ཤིན་ཏུ་གནས་པར་བལྟ་བར་བགྱི་ལགས་སོ།།བཅོམ་ལྡན་འདས་ཀྱིས་བཀའ་སྩལ་པ།དཔལ་ཆོག་ཤེས་ཁྱོད།
459b2 ཀྱིས་ཇི་སྐད་སྨྲས་པ་དེ་ལྟར་ཡིན་ཏེ།བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་སྨོན་ལམ་གྱི་ཁྱད་པར་གྱིས་སེམས་ཅན་ཡོངས་སུ།སྨིན་པར་བྱ
459b3 བའི་ཕྱིར་སངས་རྒྱས་ཀྱི་ཞིང་སྙིགས་མ་ལྔ་དང་ལྡན་པ་ཐམས་ཅད་དུ་དེ་ལྟ་བུར་སྐྱེ་བ་ལེན་ལ།བསྡུ་བོའི་དངོས་པོ་བཞི་པོ་དག་ལ་བརྩོན་ཞིང་དེར་བརྩོན་པ་བརྟན་པ་དང་།བརྩོན་འགྲུས་བརྩམས་པ་ཡིན་ནོ།།
459b4 གྲོགས་དགེ་བའི་བཤེས་གཉེན་དེ་ལྟ་བུས་ཡོངས་སུ་ཟིན་པ་ཡིན་ནོ།།རྣམ་པ་ཐམས་ཅད་མཁྱེན་པའི་ཡེ་ཤེས་དེའི་ལག་ཏུ་ཐོབ་པ་ཡིན་ཏེ།དེའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པའང་བརྗོད
459b5 པར་བྱའོ།།དེས་རྣམ་པར་གནོན་པའང་བརྗོད་པར་བྱའོ།།མངལ་གྱི་སྐྱོན་ལས་ཐར་པར་ཡང་བརྗོད་པར་བྱའོ།།མི་སློབ་པའི་ས་ལ་གནས་པས་ཟག་པ་ཟད་པར་ཡང་བརྗོད་པར་བྱའོ།།དེ
459b6 སངས་རྒྱས་བཅོམ་ལྡན་འདས་ཐམས་ཅད་ཀྱིས་དགོངས་པ་དང་།བྱིན་གྱིས་བརླབས་པར་ཡང་བརྗོད་པར་བྱའོ།།འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་བརྗོད་པར་བྱའོ།།དེ་ནས
459b7 བརྒྱ་བྱིན་གཟི་བརྗིད་དྲི་མ་མེད་པ།བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ།།བཙུན་པ་བཅོམ་ལྡན་འདས་ཅིའི་སླང་དུ་འཚོ་བའི་འཇིག་རྟེན
iiif viewer powered by OpenSeadragon
