| e-texts navigator |
| Wylie |
454b1 དེ་ནི་མཐུ་ཆེ་ཞིང་སྟོབས་ཆེ་ལ་ཕ་རོལ་གནོན་པ་སྣང་བར་བགྱིད་པ་ཆེན་པོ་ལགས་ཏེ།བཅོམ་ལྡན་འདས་ཀྱི་ཉན་ཐོས་རྣམས་ཀྱི་ཐོས་པ་ཡོངས་སུ་རྫོགས་པར་བགྱིད་པའི་གཏེར་དང་།ཡེ་ཤེས་ཡོངས་སུ
454b2 རྫོགས་པར་བགྱིད་པའི་གཏེར་དུ་འགྱུར་བ་ལགས་སོ།།བཙུན་པ་བཅོམ་ལྡན་འདས་བཅོམ་ལྡན་འདས་ཀྱི་སླད་དུ་ཇི་སྲིད་འཚོའི་བར་དུ་སྡོམ་པ་ལ་གནས་པ་འདི་ལྟ་སྟེ།དགེ་བསྙེན་ཀྱི་སྡོམ་པ་དང་།
454b3 དགེ་སྦྱོང་གྲི་སྡོམ་པ་དང་།བསྙེན་པར་རྫོགས་པའི་སྡོམ་པ་ལ།གནས་པ་སྣོད་དུ་གྱུར་པ་དང་།སྣོད་དུ་མ་གྱུར་པ་དག་གིས་གདུགས་དེང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུངས
454b4 ཆེན་པོ་འདི་ལྷག་མཐོང་གི་སྦྱོར་བས་ཉིན་མཚན་བདུན་གྱི་བར་དུ་ཀློག་ན་ཕྱིར་ཞིང་ཉེ་བར་ལེན་པའི་ཕུང་པོ་ལྔ་པོ་དེ་དག་ལ་རྟོག་པར་འགྱུར་རོ།།ཉིན་མཚན་བདུན་འདས་ནས་གདུགས་དང་རྒྱལ་མཚན་གྱི
454b5 སྨོན་ལམ་ཞེས་བགྱི་བའི་གཟུངས་ཆེན་པོ་ལན་འབུམ་སྐྱེད་དུ་ཡང་དང་ཡང་དྲན་པར་བགྱིད་པ་དེ་ནི་རྒྱལ་རིགས་རྣམས་དང་།བྲམ་ཟེའི་རིགས་རྣམས་དང་།རྗེའུ་རིགས་རྣམས་དང་།དམངས་རིགས
454b6 རྣམས་དད་པར་བགྱིད་པ་ནས་སེམས་ཅན་ཐམས་ཅད་ཀྱི་བར་དུ་ཤིན་ཏུ་མངོན་པར་དད་པར་བགྱིད་པ་ལགས་སོ།།ཐམས་ཅད་ལོངས་སྤྱོད་པ་དང་།ཡོངས་སུ་སྤྱོད་པ་རྒྱ་ཆེན་པོ་མཆོག་དང
454b7 མི་འབྲལ་ཞིང་མཐོ་རིས་ལ་གཞོལ་བར་འགྱུར་ལགས་སོ།།དེ་སངས་རྒྱས་བཅོམ་ལྡན་འདས་བཞུགས་པ་རྣམས་དང་།སྐལ་བ་མཉམ་པར་སྐྱེ་བར་འགྱུར་ལོགསོ་སོ།།ཏདྱ་ཐཱ།
iiif viewer powered by OpenSeadragon
