| e-texts navigator |
| Wylie |
422a1 ཞན་པ་ཁ་ཅིག་ནི་ཉན་ཐོས་ཀྱི་ཆོས་རྣམས་ལ་འཕེལ་ལོ།།ཁ་ཅིག་ནི་དགྲ་བཅོམ་པའི་འབྲས་བུ་ལ་གནས་པའི་བྱུང་དུའོ།།གང་དག་བྱང་ཆུབ་སེམས་དཔའ
422a2 སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ།འབྲད་པ་བརྟན་པ།སེམས་ཅན་ཐམས་ཅད་ལ་ལྟ་བ།བསོད་ནམས་དང་།ཤེས་རབ་ཀྱི་ཚོགས་དཔག་ཏུ་མེད་པོ་གོམས་པར་བྱས་ཏེ།
422a3 བསམ་གཏན་ཡོངས་སུ་སྤྱོད་པས་རྣམ་པར་རྩེ་བའི་ཏིང་ངེ་འཛིན་གྱི་རྣལ་འབྱོར་དེ་ལྟ་བུ་དེ་ལ་གནས་ནས་རྣམ་པར་ལྡོག་པར་ཡང་མི་བྱེད་ལ།།ཉན་ཐོས་ཀྱི་ངེས་པ་ལ་འཇུག་པར་ཡང
422a4 མི་བྱེད་དོ།།བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གོ་ཆ་ཆེན་པོ་བགོས་ནས་བསམ་གཏན་གྱི་ཕ་རོལ་ཏུ་ཕྱིན་པ་དང་།སོ་སོ་ཡང་དག་པར་རིག་པ་ལ་སྤྱོད་པ་ཡོངས་སུ
422a5 སྤྱོད་པ་ལ་གནོས་པ་ནས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་།དེ་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བའི་བར་དུའོ།།དཔལ
422a6 ཆོག་ཤེས་ཡུལ་འཁོར་དེ་ན་དགེ་སློང་དང་།དགེ་སློང་མ་དང་།དགེ་བསྙེན་དང་།དགེ་བསྙེན་མ་དང་།ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པ་དང་།རང་སངས་རྒྱས་ཀྱི
422a7 ཐེག་པ་ལ་ཡང་དག་པར་ཞུགས་པ་དང་།ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་དང་རིགས་ཀྱི་བུ་མོ་དག་བསམ་གཏན་ཡོངས་སུ་སྦྱོང་བས་རྣམ་པར་རྩེ་བ་ཡིད
iiif viewer powered by OpenSeadragon
