| e-texts navigator |
| Wylie |
420a1 ལུས་ཐམས་ཅད་ཤིན་ཏུ་སིམ་པ་དང་།བདེ་བ་དང་།ཚིམ་པར་འགྱུར་བ་ནི་དཔེར་ནའམ་འཇམ་ཙམ་གྱིས་ཁྲུས་ལ་ཅིག་ཅར་བྱུགས་ན་བདེ་བ་མྱོང་བ
420a2 བཞིན་ནོ།།དེས་བདག་ནི་འདི་ལྟར་གྱུར་པར་ཤེས་ཏེ།དེས་ཟུང་ཟིང་མེད་པའི་དགའ་བ་དང་།བདེ་བ་དེ་ལྟ་བུ་དང་ལྡན་ནོ་སྙམ་དུ་ཤེས་སོ།།བྱང་ཆུབ་སེམས་དཔའ་དེས་དཀོན
420a3 མཆོག་གསུམ་ལ་དད་པ་ཐོབ་ནས།དེ་འདི་སྙམ་དུ་བདག་གིས་ནི་སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས་ནས་བསམ་གཏན་ལོའང་མངོན་པར་བརྩོན་པར་བྱ་ཞིང
420a4 བདག་གིས་ཅི་ནས་ཀྱང་ལུས་དང་སེམས་ཀྱི་བདེ་བའང་དོར་བར་བྱའོ་སྙམ་དུ་སེམས་སོ།།བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབུགས་རྔུབ་པ་དང་།དབུགས་འ
420a5 བ་གོམས་པར་བྱ་བ་སེམས་ཀྱི་དམིགས་པ་དག་འདོར་བར་བྱེད་དོ།།དེ་སྣའི་རྩེ་མོར་སེམས་གཏོད་པར་བྱེད་དེ་གང་གིས་འཇུག་པ་དང་།ངེས་པར་འབྱུང་བ་དབུགས་རྔུབ་པ་དང་།
420a6 དབུགས་འབྱུང་བ་ལ་གནས་པའི་སེམས་ཀྱིས་ཉེ་བར་རྟོག་པར་བྱེད་དོ།།དེ་སེམས་དེའི་སྐད་ཅིག་མ་ལ་ཞིག་པ་དང་།སྐྱེ་བ་དང་།འཇིག་པ་ཉེ་བར་རྟོག་པར་བྱེད་དེ།སེམས
420a7 དང་།ཡིད་དང་།རྣམ་པར་ཤེས་པ་དང་།ཕུང་པོ་དང་།ཁམས་དང་།སྐྱེ་མཆེད་ཐམས་ཅད་ལ་ཆུ་ཟླ་དང་།མིག་ཡོར་དང་།སྨིག་རྒྱུ་ལྟ་བུ་དང་།གློག་ལྟ་བུ་དང་།བདག་པོ
iiif viewer powered by OpenSeadragon
