| e-texts navigator |
| Wylie |
419b1 ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཐམས་ཅད་ཀྱི་དང་པོར་དབུགས་རྔུབ་པ་དང་།དབུགས་འབྱུང་བའི་མཚན་མའི་དམིགས་པ་ཐམས་ཅད་ལ་སེམས་གཏོད་པར་བྱེད་དེ།།
419b2 དེ་གཡེང་བ་མེད་པའི་སེམས་ཀྱིས་དབུགས་རྔུབ་པར་བྱེད་དོ།།དབུགས་འབྱུང་བར་བྱེད་དོ།།དེ་དང་པོར་དབུགས་རྔུབ་པའི་སེམས་ཀྱིས་སེལ་བར་བྱེད་པ་དེ་དག་ནི་དེའི་རྣམ་པར་རྟོག་པ
419b3 ཡིན་ནོ།།དེ་ངེས་པར་འབྱུང་བ་ན་དབུགས་འབྱུང་བའི་སེམས་ཀྱིས་སེལ་བ་དེ་དག་ནི་དྲིའི་རྣམ་པར་དཔྱོད་པ་ཡིན་ནོ།།དེ་ལ་དགའ་ཞིང་ཚིམ་པ་གང་ཡིན་པ་དང་།སེམས་རྩེ་གཅིག་པ་ཉིད
419b4 གང་ཡིན་པ་དང་།གཡེང་བ་མེད་པ་གང་ཡིན་པ་དེས་ན་དེ་ངེས་པར་འབྱུང་བ་ལ་གནས་ཤིང་རྣམ་པར་རྟོགས་པ་དང་།རྣམ་པར་དཔྱོད་པ་སྤོང་བའི་སེམས་དང་ལྡན་པ་ཡིན་ནོ།།དེ་ལྟར་ན
419b5 དེར་དེས་རྣམ་པར་རྟོག་པ་དང་།རྣམ་པར་དཔྱོད་པ་དང་བཅས་པའི་བསམ་གཏན་དང་པོ་ཐོབ་པ་ཡིན་ནོ།།དེ་ལ་མཚན་མ་འདི་དག་འབྱུང་སྟེ།དེའི་ལུས་ཐམས་ཅད་གཡོ་བར་འགྱུར་རོ།།
419b6 དྲོ་བར་འགྱུར་རོ།།དེར་དེ་འདོད་པའི་འདུན་པའི་སྒྲིབ་པ་སྤོང་བ་ཡིན་ནོ།།དེ་མི་དགེ་བའི་ཆོས་ཐམས་ཅད་གནོད་པར་བྱེད་དོ།།དེ་གང་གི་ཚེ་བརྩོན་པ་དྲག་པོ་ཡིད་ལ་བྱེད་ཅིང་གནས་པ
419b7 དེས་ན་དེ་རྣམ་པར་རྟོག་པ་དང་།རྣམ་པར་དཔྱོད་པ་ཉེ་བར་ཞི་བ་ཡིན་ཏེ།དེས་ན་རྣམ་པར་རྟོག་པ་དང་།རྣམ་པར་དཔྱོད་པ་མེད་པའི་བསམ་གཏན་གཉིས་པ་ཐོབ་པ་ཡིན་ནོ།།དེ་ལྟར་དེའི
iiif viewer powered by OpenSeadragon
