| e-texts navigator |
| Wylie |
419a1 གཟུང་ཞིག་དང་བཤད་དོ།།བཙུན་པ་བཅོམ་ལྡན་འདས་དེ་ལྟར་འཚལ་ལོ་ཞེས་བྱ་བ་ནས།བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ་ཞེས་བྱ་བའི་བར
419a2 དུའོ།།དཔལ་ཆོག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོ་དག་བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན་བསམ་གཏན་གྱི་ཡན་ལག་རྣམས་ཤེ
419a3 པ་དང་།འདོད་པའི་ཁམས་ལས་ཡང་དག་པར་འདའ་བ་དང་།ཡན་ལག་ལྔ་དང་ལྡན་ཞིང་ཡང་ཡན་ལག་ལྔ་སྤངས་པ་དང་།རྫུ་འཕྲུལ་གྱི་རྐང་པ་བཞིས་རྩེ་བ་མངོན་པར་ཤེས་པ
419a4 དང་།སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་བཀུར་སྟི་བྱ་བ་དང་།དམ་པའི་ཆོས་མཉན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས
419a5 ཀྱིས་འགྲོ་བ་ལ་མཁས་པ།སེམས་ཅན་རྣམས་ཀྱི་ལམ་གསུམ་པོ་ལས་ཀྱི་ལམོ་དང་།ཉོན་མོངས་པའི་ལམ་དང་།སྡུག་བསྔལ་གྱི་ལམ་དག་བསྐམ་པ་དང་།བསྒོམ་པ་ལས
419a6 བྱུང་བའི་བསོད་ནམས་བྱ་བའི་དངོས་པོ་རྫོགས་པར་བྱེད་པ་དང་།བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་།དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ
419a7 རྫོགས་པར་འགྱུར་བ་དང་།མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ཡིན་ཞེ་ན།དཔལ་ཆོ་ག་ཤེས་འདི
iiif viewer powered by OpenSeadragon
