| e-texts navigator |
| Wylie |
417b1 པར་རྔོ་མི་ཐོག་པས།འདིར་སེམས་ཅན་རྟག་པར་སྨྲ་བ་རྣམས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་ཅིང་།ཚུལ་ཁྲིམས་ཀྱི་གོ་བགོས
417b2 པའི་གཟིངས་ཀྱི་སེམས་ཅན་རྟག་པར་སྨྲ་བ་འདི་དག་སྐྱེ་བའི་རྒྱ་མཚོ་འདྲི་ལས་བསྒྲལ་བར་བགྱིའོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི
417b3 བསོད་ནམས་ཀུན་ཏུ་སྤྱོད་པར་བགྱིད་པའི་དངོས་པོ་སེམས་ཅན་རྣམས་དགེ་བ་བཅུའི་ལས་ཀྱི་ལམ་གྱིས་ཡོངས་སུ་སྨིན་པར་བགྱིད་པ་དང་།སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན
417b4 མ་མཆིས་པ་ལ་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ།།བཙུན་པ་བཅོམ་ལྡན་འདས་འདི་ན་སེམས་ཅན
417b5 གང་དག་ཁྲ་མ་དང་།ཚིག་རྩུབ་པོ་དང་།ཆགས་སེམས་དང་།གནོད་སེམས་ཀུན་ཏུ་སྤྱོད་པའི་ཡིད་ཀྱིས་དེ་དག་འཇིག་ཚོགས་ལ་ལྟ་བ་དང་ལྡན་ཞིང་ལོངས་སྤྱོད་དང་།ཉེ་བར་སྤྱོད་པ་དང
417b6 བྲལ་ལ་ཚོལ་ཁྲོས་སྡུག་བསྔལ་ཞིང་ཉམ་ཐག་པ་དག་མཆིས་ཏེ།སེམས་ཅན་དེ་དོག་རབ་ཏུ་འབྱུང་བའི་ཚུལ་ཁྲིམས་དང་།སྡོམ་པ་མ་མཆིས་པར་ཡོངས་སུ་སྨིན་པར་བགྱིད་པར
417b7 རྔོ་མི་ཐོག་པས་སེམས་ཅན་ཕྲ་མ་དང་།ཚིག་རྩུབ་པོ་དང་།ཆགས་སེམས་དང་།གནོད་སེམས་ཀུན་ཏུ་སྤྱོད་ཅིང་།འཇིག་ཚོགས་ལ་ལྟ་བ་དང་ལྡན་པ་སྤྱོད་པ་དེ་དག་ལ་བྱང་ཆུབ
iiif viewer powered by OpenSeadragon
