| e-texts navigator |
| Wylie |
417a1 སེམས་ཅན་བསོད་ནམས་སུ་གདགས་པ་དང་བྲལ་བ་དག་ཕལ་ཆེ་ལགས་ཏེ།རྒྱུ་དེ་དང་རྐྱེན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འདིར་སེམས
417a2 ཅན་རྣམས་ལ་སྙིང་རྗེ་ཆེན་པོ་དགྲ་བསྐྱེད་པར་བགྱིད་ལགས་སོ།།འདི་ནི་སེམས་ཅན་རྣམས་གང་གིས་ན་རྒྱུ་མ་མཆིས་པར་སྨྲ་ཞིང་ལོངས་སྤྱོད་དང་བྲལ་ལ།ཚོལ་ཁྲོས་སྡུག་བསྔལ་ཞིང
417a3 ཉམས་ཐག་པ་དང་།དོན་མ་མཆིས་པར་འབད་པ་དེ་དག་ནི་སྦྱིན་པ་རྣམ་པར་བགེད་པ་མ་མཆིས་པར་ཡོངས་སུ་སྨིན་པར་བགྱིད་པའི་རྔོ་མི་ཐོག་སྟེ།དེ་ལྟ་བས་ན་བདག་ཅིག་གིས་སྦྱིན
417a4 བའི་གོ་བགོས་ཏེ།བརྩོན་འགྲུས་བརྩམ་པར་བགྱི་ཞིང་།འདི་ལྟར་བདག་ཅག་གིས་སྦྱིན་པའི་གཟིངས་ཀྱིས་སྐྱེ་བའི་རྒྱ་མཚོ་ལས་བསྒྲལ་བར་བགྱིའོ་ཞེས་བྱང་ཆུབ་སེམས་དཔོའ
417a5 སེམས་དཔའ་ཆེན་པོ་དེ་དག་སྦྱིན་པ་ལས་བྱུང་བའི་བསོད་ནམས་ཀུན་ཏུ་སྦྱོར་བར་བགྱི་བོའི་དངོས་པོས།།སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར
417a6 བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ།།བཙུན་པ་བཅོམ་ལྡན་འདས་འདི་ནི་སེམས་ཅན་རྟག་པར་སྨྲ་བ་འདི་དག་ལྡོངས
417a7 སྤྱོད་དང་།ཉེ་བར་སྤྱོད་པ་རྒྱ་ཆེན་པོ་དང་བྲལ་ལ་ཚོལ་ཁྲོས་སྡུག་བསྔལ་ཞིང་ཉམ་ཐག་པ་དག་མཆིས་ཏེ།དེ་དག་ཚུལ་ཁྲིམས་རྣམ་པར་བགེད་པ་མ་མཆིས་པར་ཡོངས་སུ་སྨིན་པར་བགྱིད
iiif viewer powered by OpenSeadragon
