| e-texts navigator |
| Wylie |
412a1 བཤད་པ་ནི་མཉན་པར་གྱིས།།མདོ་འདི་རྙེད་པར་མ་གྱུར་པ།།རྙེད་པར་གྱུར་ན་སྨོས་ཅི་དགོས།།སངས་རྒྱས་ཞིང་འདི་ཐམས་ཅད་དག།མ་ལུས་པར་ནི་མི་ཞིག་གིས།།
412a2 ཇི་ལྟར་བྱེ་མས་བྱུང་བུར་ནི།།རབ་ཏུ་བཀང་བར་གྱུར་པ་དག།སྐྱེས་བུ་ལ་ལས་དེ་དག་ཀུན།།ཤར་ཕྱོགས་ལོགས་སུ་དེ་དག་འདོར།།བྱེ་མའི་རྡུལ་ནི་རེ་རེ་ནས།།ལག་པ་གཅིག་གིས
412a3 བླངས་ནས་ཀྱང་།།འཇིག་རྟེན་ཁམས་དག་མཐའ་ཡས་པའི།།འཇིག་རྟེན་ཁམས་ནི་དེ་དག་ཏུ།།བྱེ་མའི་རྡུལ་དེ་ཇི་སྙེད་ཉིད།།མ་ལུས་པར་ནི་འཇོག་བྱེད་པ།།དེ་བཞིན་དུ་ནི་སྦྱར་བྱས
412a4 པ།།མཁས་པ་གང་གིས་མི་ཤེས་ན།།བྱེ་མ་དག་གི་རྡུལ་གྱུར་པ།།འཇིག་རྟེན་ཁམས་སུ་བགྲང་བྱ་སྟེ།།དེ་བཞིན་ལྷོ་ཕྱོགས་དག་ཏུ་ཡང་།།མི་དག་གིས་ནི་འདོར་བར་བྱེད།།བྱེ་མོའོ
412a5 ཕུང་པོ་ཇི་སྙེད་དེ།།གང་དག་ང་ཡིས་སྔར་སྟོན་པ།།དེ་བཞི་ནི་ཕྱོགས་བཞི་དག་ཏུ་ཡང་།།མེ་ཡིས་བྱེ་མ་འདོར་བར་བྱེད།།སྔར་ནི་ཇི་སྙེད་བསྟན་པ་ཡི།།དེ་སྙེད་བྱེ་མར་གྱུར་པ་དང་།།ཇི་སྙེད
412a6 བསྟན་པའི་བྱེ་མ་སྐྱེད།།དེ་སྙེད་འཇིག་རྟེན་ཁམས་དེ་དག།འདིར་ནི་དེ་དག་ཐམས་ཅད་ཀྱང་།།གྲོང་ཁྱེར་གྲུ་བཞི་གཅིག་གྱུར་ལ།།སྐྱེས་བུ་ལ་ལ་བྱུང་བས་ནོ།།གྲོང་ཁྱེར་བརྩིགས་པ
412a7 དེ་དག་ཏུ།།རིན་པོ་ཆེ་ཡིས་བཀང་བྱས་ཏེ།།སྐྱོབ་པ་སངས་རྒྱས་རྣམས་ལ་ཕུལ།།སྦྱིན་དེ་དེ་དག་ལ་ཕུལ་བས།།འཇིག་རྟེན་མགོན་པོ་བསམ་མི་ཁྱབ།།རྐང་གཉིས་གཙོ་བོར
iiif viewer powered by OpenSeadragon
