| e-texts navigator |
| Wylie |
294b1 ཆོས་ཐམས་ཅད་ཀྱི་ངོ་བོ་ཉིད་ཀུན་ཏུ་མཁྱེན་ཀྱང་མངོན་པར་ཞེན་པས་འཇིག་རྟེན་ལ་ཆོས་མི་སྟོན་ཏོ།།བྱང་ཆུབ་སེམས་དཔའ་རྣམས་ལ་ཆོས་རྣམས་ཀྱི་སྣང་བ་ཐོབ་པར་བྱ་བ་དང་།གཟུངས་དང
294b2 ཆོས་ཀྱི་ཕྱག་བརྒྱ་རྣམས་བསྐྱེད་པའི་ཕྱིར་ངས་དེ་བཞིན་ཉིད་རྣམ་པར་དཀྲུགས་པ་མེད།ཆོས་རྣམས་བསལ་བ་མ་བྱས།གཞག་པ་མ་བྱས་སོ།།མི་ཕམ་པ་ངས་གླིང་བཞི་ཆེན་པོའི་འཇིག
294b3 རྟེན་གྱི་ཁམས་འདིར་འོག་མིན་གྱི་གནས་མན་ཆད་དུ་ཆོས་བསྟན་པའི་ཚེ་སེམས་ཅན་རྣམས་འདི་སྙམ་དུ་དེ་བཞིན་གཤེགས་པ་ནི་བདོག་ཅག་ཁོ་ན་ལ་ཆོས་སྟོན་ཏོ་སྙམ་མོ།།དེ་བཞིན་དུ
294b4 སྦྱར་ཏེ།གླིང་བཞི་པ་གཉིས་པ་དང་།དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམསུ་ཆོས་བསྟན་པའི་ཚེ་སེམས་ཅན་རྣམས་འདི་སྙམ་དུ་དེ་བཞིན་གཤེགས་པ་ནི
294b5 བདག་ཅག་ཁོ་ན་ལ་ཆོས་སྟོན་ཏོ།།འདི་ན་དེ་བཞིན་གཤེགས་པ་ཆོས་སྟོན་ཏོ།།འདིར་དེ་བཞིན་གཤེགས་པ་སྐྱེསོ།།འདིར་ཆོས་ཀྱི་འཁོར་ལོ་བསྐོར་རོ།།ཆོས་ཀྱི་འཁོར་ལོ་བསྐོར
294b6 ནས་ཆོས་སྟོན་ཏོ་སྙམ་མོ།།མི་ཕམ་པ་འདི་ལ་ང་ནི་ཐབས་འདིས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་སྔ་གྲོའི་དུས་ཀྱི་ཚེ་འང་ཆོས་སྟོན་ཅིང་དེ་ལྟར་སངས་རྒྱས་ཀྱི
294b7 མཛད་པ་མཛད་དོ།།ཉི་མ་གུང་གི་དུས་ཀྱི་ཚེའང་དེ་ལྟར་སངས་རྒྱས་ཀྱི་མཛད་པ་མཛད་དོ།།ཕྱི་གྲོའི་དུས་ཀྱི་ཚེའང་དེ་ལྟར་སངས་རྒྱས་ཀྱི་མཛད་པ་མཛད་དོ།།ཆོས་ཐམས་ཅད
iiif viewer powered by OpenSeadragon
