| e-texts navigator |
| Wylie |
288b1 ཡོངསུ་སྤྱོད་དོ།།སྤྲོས་དང་བྱུག་པ་ཡོངསུ་ལེན་ཅིང་བླངས་ནས་ཡོངསུ་སྤྱོད་དོ།།དེ་ནི་ཤེས་པ་མ་ཡིན་ཏེ་བྱིས་པའོ།།ང་ནི་ཚངས་པར་སྤྱད་ནས་ཡུན་རིང་བ་ཡིན་གྱི་དེ་ནི་གསར་བུ་སྟེ།བསྙེན་པར་རྫོགས
288b2 ནས་རིང་པོར་མ་ལོན་པ་ཡིན་གྱིས་དེ་ལྟར་ཡིད་ཆེས་པར་མ་བྱེད་ཅིག་ཅེས་ཟེར་རོ།།དགེ་སློང་དེ་ནི་བག་ཡོད་པ་ཡིན་ཏེ།དགེ་སློང་འཚོ་བ་ཡོངསུ་དག་པ་དེ་ལ་སྐྱེ་བོ་དེ་དག་རབ་ཏུ་དད་པས་དེ་ལྟར་དེས
288b3 སྐྱེ་བོ་དེ་དག་ལ་དབྱེན་བྱས་ན་དབྱེ་བར་མ་ནུསོ།།དེ་ནས་དགེ་སློང་ཆོས་དེ་འཆི་བའི་དུས་བྱས་པར་གྱུར་ཏེ་འཆི་བའི་དུས་བྱས་ནས་འདི་ལྟར་དེ་བཞིན་གཤེགས་པ་ལ་སྐུར་པ་བཏབ་པ་དང་།འདི་ལྟར
288b4 ཆོས་སྤངས་པས་བསྐལ་པ་བདུན་ནུར་སེམས་ཅན་དམྱལ་བར་སྐྱེསོ།།དེ་བསྐལ་པ་བདུན་ཅུ་པོ་དེ་དག་འདས་ནས་བསྐལ་པ་དྲུག་ཅུར་བྱང་ཆུབ་ཀྱི་སེམས་བརྗེདདོ།།བསྐལ་པ་དྲུག་ཅུ་པོ་དེ་དག
288b5 འདས་ནས་དེ་བཞིན་གཤེགས་པ་ཀུན་ནས་སྤོས་རིན་པོ་ཆེའི་འོད་ཀྱི་གསུང་རབ་ལ་དེ་བཞིན་གཤེགས་པ་དེས་བྱང་ཆུབ་ཏུ་སེམས་བསྐྱེད་དུ་བཅུག་ནས་དེས་བྱང་ཆུབ་ཏུ་སེམས་བསྐྱེད་དོ།།
288b6 ཚེ་རབས་དགུ་ཁྲིར་དུད་འགྲོའི་སྐྱེ་གནསུ་སྐྱེས།།ཚེ་རབས་དྲུག་ཁྲིར་མི་དབུལ་པོ་རྣམས་ཀྱི་ནང་དུ་སྐྱེས་ཏེ་ཐམས་ཅད་དུའང་ལྕེ་མེད་པར་གྱུར་ཏོ།།དགེ་སློང་འཚེ་བ་ཡོངསུ་དག་པ་དེ།།
288b7 སངས་རྒྱས་ཁྲག་ཁྲིག་ཕྲག་ལྔའི་གན་ནི་ཆོས་སྨྲ་བར་གྱུར་ཏེ།ཐམས་ཅད་དུའང་མངོན་པར་ཤེས་པ་ལྔ་དང་ལྡན་པར་གྱུར་ཏོ།།སངས་རྒྱས་བཅོམ་ལྡན་འདས་དེ་དག་གིས
iiif viewer powered by OpenSeadragon
