| e-texts navigator |
| Wylie |
280b1 ཙྪ་བར་གནས་ཤང་ཡིད་ལ་མངོན་དུ་འགྱུར་ལགས།འདུ་བྱེད་ཐམས་ཅད་སྟོད་པ་ལ་ཇི་ལྟར་ལས་རྣམས་ཆབ་མི་འཚལ་བར་གཱདང་།དེ་སྐད་ཅེས་གསོལ་པ་དང་།བཅོམ་ལྡན་འདས
280b2 ཀྱིས་ཡུལ་མ་ག་དྷཱའི་རྒྱལ་པོ་བཟི་སྦྱངས་གཟུགས་ཅན་སྙིང་པོ་ལ་འདི་སྐད་ཅེས་བཀའ་སྩལ་ཏེ།།རྒྱལ་པོ་ཆེན་པོ་འདི་ལྟ་སྟེ།དཔེར་ན་མི་ཞིག་ཉལ་བའི་རྨི་ལམ་ན་ཡུལ་གྱི
280b3 བུད་མེད་བཟང་མོ་དང་ལྷོན་ཅིག་ཏུ་ཡོངསུ་སྤྱོད་པ་རྨིས་ལ།དེ་ཉལ་བ་ལས་སྨད་ནས་ཡུལ་གྱི་བུད་མེད་བཟང་མོ་དེ་དྲན་ན་རྒྱལ་པོ་ཆེན་པོ་འདི་ཇི་སྙམ་དུ་སེམས།རྨི་ལམ་གྱི་ཡུལ
280b4 གྱི་བུད་མེད་བཟླང་མོ་དེ་ཡིད་དམ།གསོལ་པ།བཅོམ་ལྡན་འདས་དེ་ནི་མ་མཆིས་ལགས་སོ།།བཅོམ་ལྡན་འདས་ཀྱིས་བཀའ་སྩལ་པ།རྒྱལ་པོ་ཆེན་པོ་འདི་ཇི་སྙམ་དུ་སེམས།འོན
280b5 གང་རྨི་ལམ་གྱི་ཡུལ་གྱི་བུད་མེད་བཟང་མོ་ལ་མངོན་པར་ཞེན་པའི་མི་དེ་ཅི་མཁས་པའི་རང་བཞིན་ཅན་ཡིན་ནམ།གསོལ་པ།བཅོམ་ལྡན་འདས་དེ་ནི་མ་ལེགས་ཏེ།དེ་ཅིའི་སླད
280b6 དུ་ཞེ་ནུ།བཅོམ་ལྡན་འདས་རྨི་ལམ་གྱི་ཡུལ་གྱི་བུད་མྱེད་བཟང་མོ་འང་ཤིན་ཏུ་མ་མཆིས་ཤིང་མི་དམིགས་ལགས་ན་དེ་དང་ཡོངསུ་སྤྱོད་པ་ལ་ལྟ་ག་ལ་མཆིས་ཏེ།འདི་ལྟར
280b7 མེ་དེ་ནི་ཕོངས་ཤིང་དུབ་པའི་སྐལ་བ་ཅན་དུ་འགྱུར་ལག་སོ།།བཅོམ་ལྡན་འདས་ཀྱིས་བཀའ་སྩལ་པ།རྒྱལ་པོ་ཆེན་པོ་དེ་བཞིན་དུ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ
iiif viewer powered by OpenSeadragon
