| e-texts navigator |
| Wylie |
273b1 བཅོམ་ལྡན་འདས་རིགས་ཀྱི་བུ་འམ།རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་འཛིན་པ་འམ།ཀུན་ཆུབ་པར་བགྱིད་པ་འམ།མོས་པར་བགྱིད་པ་དེ་དག་ནི་ཤེས་རབ་དང་ལྡན་པའི་མཆོག་ཏུ
273b2 བསྟན་པར་བགྱིད་པ་ལག་སོ།།དེ་ཅིའི་སླད་དུ་ཞེ་ན།བཅོམ་ལྡན་འདས་ཆོས་ཀྱི་རྣམ་གྲངས་འདི་ནི་མི་ཤེས་པ་ཐམས་ཅད་སེལ་བ་དང་།ཤེས་པ་ཐམས་ཅད་དང་ལྡན་པའི་སླད་དུའོ།།དེ་ནས་བཅོམ
273b3 ལྡན་འདས་ལ་ཚེ་དང་ལྡན་པ་མཽདྒལ་གྱི་བུ་ཆེན་པོས་འདི་སྐད་ཅེས་གསོལ་ཏོ།།བཅོམ་ལྡན་འདས་རིགས་ཀྱི་བུ་འམ།རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་འཛིན་པ་འམ།ཀུན
273b4 ཆུབ་པར་བགྱིད་པ་འམ།མོས་པར་བགྱིད་པ་དེ་དག་ནི་རྫུ་འཕྲུལ་དང་ལྡན་པ་མཆོག་ཏུ་བསྟན་པར་བགྱི་བ་ལག་སོ།།དེ་ཅིའི་སླད་དུ་ཞེ་ན།བཅོམ་ལྡན་འདས་མིག་གི་རྣམ་པར་ཤེས་པར་དགྱི
273b5 བ་གང་ལེགས་པ་དེ་ནི་རྫུ་འཕྲུལ་མ་ལགས་ཀྱི།བཅོམ་ལྡན་འདས་གང་མིག་གི་རྣམ་པར་ཤེས་པར་བགྱི་བའི་ཆོས་ཐམས་ཅད་ལ་སཾ་གོལ་གཏོགས་པ་ཙམ་ཡང་མོས་པར་མི་བགྱིད་པ་དེ་ནི
273b6 རྫུ་འཕྲུལ་གྱི་མཆོག་ལེགས་པའི་སླད་དུའོ།།དེ་ནས་བཅོམ་ལྡན་འདས་ལ་ཚེ་དང་ལྡན་པ་ནམ་གྲུས་འདི་སྐད་ཅེས་གསོལ་ཏོ།།བཅོམ་ལྡན་འདས་རིགས་ཀྱི་བུ་འམ།རིགས་ཀྱི་བུ་མོ་གང་དག
273b7 ཆོས་ཀྱི་རྣམ་གྲངས་འདི་འཛིན་པ་འམ།ཀུན་ཆུབ་པར་བགྱིད་པ་འམ།མོས་པར་བགྱིད་པ་དེ་དག་ནི་བསམ་གཏན་པའི་མཆོག་ཏུ་བསྟེན་པར་བགྱི་བ་ལག་སོ།།དེ་ཅིའི་སླད་དུ་ཞེ་ན།བཅོམ
iiif viewer powered by OpenSeadragon
