| e-texts navigator |
| Wylie |
328b1 ཕྲེང་མཚོན་འཛིན་པ།།བྲམ་ཟེའི་གཟུགས་ཀྱིས་བདག་ཅག་དོན་ཕྱིར་གཤེགས།།སངས་རྒྱས་སྐུ་མདོག་འབར་བ་དེང་འདིར་གཤེགས།།དཔལ་ལྡན་གཟི་བརྗིད་མཐུ་མངའ་བརྗོད
328b2 པར་གསོལ།།ཚིག་གིས་མངོན་དུ་གསུང་བ་མཐའ་ཡས་སྐུ།།ཁྱེད་ནི་ཡང་དང་ཡང་བྱིང་མང་པོ་ཡི།།ཡང་དག་སངས་རྒྱས་སྐྱབས་བྱེད་སྐྱབས་སུ་གྱུར།།གཉེན་མེད་རྣམས་ཀྱི
328b3 གཉེན་དུ་གྱུར་པ་ཁྱོད།།སངས་རྒྱས་འཇིག་རྟེན་འདས་པ་གཉིས་མཛེས་ཏེ།།འདི་ན་ཆོས་སྤྱོད་ཤིན་ཏུ་ངོ་མཚར་རྨད།།མེ་ལས་པདྨོ་སྐྱེ་བ་ངོ་མཚར་བཞིན།།འཇིག་རྟེན་སངས་རྒྱས
328b4 གཉིས་སྟོན་མཆོག་དེ་འདྲ།།དེ་ནས་བཅོམ་ལྡན་འདས་ཀྱིས་མཛོད་འཛིན་གྱི་རྒྱལ་པོ་གསལ་རྒྱལ་ལ་བཀའ་སྩལ་པ།ལྟོས་རྒྱལ་པོ་ཆེན་པོ་སངས་རྒྱས་ཀྱི་ཞིང་འདི་ནས།བྱང་ཕྱོགས
328b5 ལོགས་སུ་གངྒཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་ཁམས་འདས་པ་ན།འཇིག་རྟེན་གྱི་ཁམས་རྟག་པར་རབ་ཏུ་དགའ་བ་སྡུག་ཅིང་མོས་པ་ཞེས་བྱ་བ་དེ་ན།དེ་བཞིན
328b6 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ད་ལྟར་བཞུགས་ཏེ།འཚོ་ཞིང་གཞེས་པ་དེ་ན
328b7 ཉན་ཐོས་དང་།རང་སངས་རྒྱས་ཐམས་ཅད་མེད།ཐེག་པ་གཅིག་ལས་ཐེག་པ་གཞན་གྱི་མིང་ཡང་མེད།རྒ་བ་དང་།ན་བ་དང་།སྡུག་བསྔལ་ཡང་མེད།བདེ་བ་ཐམས་ཅད
iiif viewer powered by OpenSeadragon
