| e-texts navigator |
| Wylie |
328a1 བར་གྱིས་ཤིག།དེ་བཞིན་གཤེགས་པ་དེ་ནི་སོར་མོའི་ཕྲེང་བ་འདི་ཉིད་ཡིན་ཏེ།དེ་ལྟར་ན་སངས་རྒྱས་ཀྱི་ཆེ་བ་དེ་འདྲ་སྟེ།སངས་རྒྱས་ཀྱི་ཡུལ་ནི་བསམ་གྱིས་མི
328a2 ཁྱབ་བོ།།དེ་ནས་ལྷ་དྲང་མྱི་དང་།ལྷ་མ་ཡིན་དུ་བཅས་པ་རྣམས་དང་།ཉན་ཐོས་དང་།བྱང་ཆུབ་སེམས་དཔའ་རྣམས་དང་།མཛད་འཛིན་གྱི་རྒྱལ་པོ་གསལ་རྒྱལ་དང་།
328a3 ཡན་ལག་བཞིའི་དཔུང་གི་ཚོགས་དང་བཅས་པས་མོ་འདྲེབས་པ་དང་།ལོ་རྩི་བ་རྣམས་ལ།ཀྱེ་མརྫུན་སྨྲ་བ་ཁྱེད་ངའི་དྲུང་ནམ་གནས་ཤིག་ཅེས་བརྒྱུད་ཅིང་སྨད་ནས་བསྐྲད་དོ།།
328a4 དེ་ནས་ལྷ་དང་།མྱི་དང་།ལྷ་མ་ཡིན་དུ་བཅས་པའི་འཇིག་རྟེན་གྱི་ཁམས་དང་།ཉན་ཐོས་དང་།རང་སངས་རྒྱས་དང་།མཛོད་འཛིན་གྱི་རྒྱལ་པོ་གསལ་རྒྱལ་དང་།གྲོང་དང་།
328a5 གྲོང་ཁྱེར་དང་།ཚོང་འདུས་དང་།ལུང་པའི་མི་རྣམས་དང་།རི་ཁྲོད་པ་དང་།མཉན་དུ་ཡོད་པའི་ཡུལ་ན་གནས་པའི་སེམས་ཅན་ཐམས་ཅད་དེ་བཞིན་གཤེགས་པའི་མཐུས
328a6 ལྷགས་ཏེ།སོར་མོའི་ཕྲེང་བའི་རྐང་པ་ལ་མགོ་བོས་ཕྱག་བཙལ་ནས།མགྲིན་གཅིག་ཏུ་ཚིགས་སུ་བཅད་པ་འདི་དག་གསོལ་ཏོ།།མཐའ་ཡས་སྐུ་མངའ་ཁྱོད་ལ་ཕྱག་འཚལ་ལོ།།
328a7 ཐབས་ཀྱི་སྐུ་མངའ་ཁྱོད་ལ་ཕྱག་འཚལ་ལོ།།སོར་ཕྲེང་ཁྱོད་ཀྱི་ཞབས་ལ་མགོ་གཏུགས་ནས།།ཁྱོད་ཀྱི་འཇམ་པའི་ཞབས་ལ་བཟོད་པར་གསོལ།།དེ་བཞིན་གཤེགས་པ
iiif viewer powered by OpenSeadragon
