| e-texts navigator |
| Wylie |
190a1 དང་།གློག་གི་འོད་དང་།སྤྱན་རྣམ་པར་དག་པ་དང་།བྱམས་པ་དང་།མི་འཇིགས་མཛད་དང་།སྤྱན་རས་གཟིགས་དབང་ཕྱུག་དང་།མཐུ་ཆེན
190a2 ཐོབ་དང་།འཇམ་དཔལ་དང་།སྤོབས་པ་དཔོའ་བོ་དང་།སྒྲིབ་པ་ཐམས་ཅད་རྣམ་པར་སེལ་བ་དང་།སྤྱན་རས་གཟིགས་དང་།ཀུན་ཏུ་བཟང་པོ་དང་།དེ་དག་ལ
190a3 སོགས་པ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཅོམ་ལྡན་འདས་སླད་མའི་དུས་སླད
190a4 མའི་ཚེ་སྙིགས་མ་ལྔ་ལ་བབ་པ་ན་བདག་ཅག་གིས་མདོ་སྡེ་འདི་རྒྱས་པར་བགྱིའོ།།བཅོམ་ལྡན་འདས་གང་མདོ་སྡེ་འདི་ལ་མོས་པའི་སེམས་ཅན་དེ་ནི་ཡོངས་སུ་མྱ་ངན་ལས
190a5 འདས་པར་རིག་པར་བགྱིའོ།།བཅོམ་ལྡན་འདས་སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱི་རྣ་བར་མདོ་སྡེ་འདི་ཐོས་པར་མི་འགྱུར་ཏེ།གང་དག་རྒྱ་ཆེར་འཇུག་པ་དེ་དག
190a6 གི་ཡོན་ཏན་གྱི་མཐའ་ནི་བསྐལ་པ་བྱེ་བ་ཁྲག་ཁྲིག་བརྒྱ་ཕྲག་སྟོང་དུ་རྟོགས་པར་དཀའ་ལགས་སོ།།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་ལ་ལེགས
190a7 སོ་ཞེས་བྱ་བ་གནང་སྟེ།རིགས་ཀྱི་བུ་དག་ལེགས་སོ་ལེགས་སོ།།དེ་ལྟར་ཁྱེད་རྣམས་ཀྱིས་དེ་བཞིན་གཤེགས་པའི་བསྟན་པ་ལ་གདོས་པ་འཛིན་པ་ལྟ་བུར་གྱིས་ཤིག།
iiif viewer powered by OpenSeadragon
