| e-texts navigator |
| Wylie |
184b1 ཕུང་པོ་འཇིག་རྟེན་གྱི་ཁམས་དེར་སྲོང་ནས།བཅོམ་ལྡན་འདས་ཆོས་འཕགས་དེའི་ཞབས་ལ་ཕྱག་བཙལ་ཏེ་ལནཱ་བདུན་བསྐོར་བ་བྱས་ནས་ཕྱོགས་གཅིག་ཏུ་འདུག་གོ།།བྱང་ཆུབ
184b2 སེམས་དཔའ་རྣམ་པར་རྒྱལ་བའི་ཕུང་པོ་ཕྱོགས་གཅིག་ཏུ་འདུག་པ་དང་།དེ་ནས་བཅོམ་ལྡན་འདས་དེ་བཞིན་གཤེགས་པ་ཆོས་འཕགས་དེས་བྱང་ཆུབ་སེམས་དཔའ་དེ་ལ
184b3 འདི་སྐད་ཅེས་བཀའ་སྩལ་ཏོ།།རིགས་ཀྱི་བུ་ཁྱོད་ག་ལས་འདིར་འོངས།དེ་ནས་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་བཅོམ་ལྡན་འདས་ཀྱིས་བཀའ་སྩལ་བ་དེ
184b4 ལ་ཅང་མི་སྨྲ་བར་ཁ་རོག་འདུག་གོ།།དེའི་ཚེ་དང་འཁོར་འདུས་པ་གང་ལྷ་དང་།ཀླུ་དང་།གནོད་སྦྱིན་དང་།ལྷ་མ་ཡིན་དང་།ནམ་མཁའ་ལྡིང་དང་།མི་འམ་ཅི་དང་།
184b5 ལྟོ་འཕྱེ་ཆེན་པོ་དང་།མི་དང་།མི་མ་ཡིན་པ་དེ་དག་འདི་སྙམ་དུ་སེམས་ཏེ།ཅིའི་ཕྱིར་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འདི་འཇིག་རྟེན་གསུམ་གྱི་བླ་མས
184b6 བཀའ་སྩལ་པ་ལ་ལན་མི་གསོལ་བར་ཁ་རོག་འདུག་ཞིག་གུ་སྙམ་མོ།།དེ་ནས་བཅོམ་ལྡན་འདས་ཀྱིས་དེར་སེང་གེ་བསྒྱིངས་པ་ལྟ་བུས་ཕྱོགས་བཅུར་གཟིགས་ནས་འཁོར
184b7 ཐམས་ཅད་ཐེ་ཚོམ་དུ་བྱུར་པས་ཐུགས་སུ་ཆུད་ནས་འཛུམ་པ་མཛད་དོ།།བཅོམ་ལྡན་འདས་དེ་བཞིན་གཤེགས་པ་ཆོས་འཕགས་དེ་འཛུམ་པ་མཛད་པའི་འོད་ཀྱི་སྣང་བ་གསེར
iiif viewer powered by OpenSeadragon
