| e-texts navigator |
| Wylie |
182a1 ཡུངས་འབྲུ་ཙམ་མཆོད་རྟེན་གྱི་བུམ་པ་སྐྱུ་རུ་ར་ཙམ་གྱི་ནང་དུ་བཅུག་སྟེ།སྲོག་ཤིང་ཁབ་ཙམ་བཙུགས་ནས་གདུགས་རྒྱ་ཤུག་གི་ལོ་མ་ཙམ་འདོགས་པར
182a2 བྱེད་པའམ།དེ་བཞིན་གཤེགས་པའི་སྐུ་གཟུགས་མཚོན་གང་ཙམ་ཞིག་བྱེད་ན།ཀུན་དགའ་བོ་བསོད་ནམས་འདི་ལྔ་བསོད་ནམས་སྣ་མ་དེས་བརྒྱའི་ཆར་ཡང་ཉེ་བར་མི་འགྲོ།།
182a3 སྟོང་གི་ཆ་དང་།འབུམ་གྱི་ཆ་དང་།གྲངས་དང་།ཆ་དང་།དཔེ་དང་།རྒྱུར་ཡང་ཉེ་བར་མི་འགྲོའོ།།དེ་ཅིའི་ཕྱིར་ཞེ་ན།དེ་བཞིན་གཤེགས་པ་དགྲ་བཅོམ་པ་ཡང
182a4 དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟ་བུ་དག་དང་ལྡན་ཏེ།ཚུལ་ཁྲིམས་དཔག་ཏུ་མེད་པ་དང་།ཏིང་ངེ་འཛིན་དཔག་ཏུ་མེད་པ་དང་།
182a5 ཤེས་རབ་དཔག་ཏུ་མེད་པ་དང་།རྣམ་པར་གྲོལ་བ་དཔག་ཏུ་མེད་པ་དང་།རྣམ་པར་གྲོལ་བའི་ཡེ་ཤེས་གཟིགས་པ་དཔག་ཏུ་མེད་པ་དང་ལྡན་པའི་ཕྱིར་རོ།།ཀུན་དགའ
182a6 བོ་ཤར་གྱི་ལུས་འཕགས་གླིང་ཆུ་ཞེང་དང་རྒྱར་དཔག་ཚད་བརྒྱད་སྟོང་ཡོད་པ་རྒྱུན་དུ་ཞུགས་པ་རྣམས་ཀྱིས་ཀྱང་གྲང་བར་གྱུར་ཅེས་བྱ་བ་ནས་རྣམ་པར་གྲོལ་བའི་ཡེ་ཤེས
182a7 གཟིགས་པ་ཞེས་བྱ་བའི་བར་དུ་རྒྱ་ཆེར་སྔ་མ་བཞིན་དུ་བརྗོད་པར་བྱའོ།།ཀུན་དགའ་བོ་ནུབ་ཀྱི་བ་ལང་སྤྱོད་ཀྱི་གླིང་ཆུ་ཞེང་དང་རྒྱར་དཔག་ཚད་དགུ་སྟོང་ཡོད་པ་རྒྱུན་དུ
iiif viewer powered by OpenSeadragon
