| e-texts navigator |
| Wylie |
181b1 བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟ་བུ་དག་དང་ལྡན་ཏེ།ཚུལ་ཁྲིམས་དཔག་ཏུ་མེད་པ་དང་།ཏིང་ངེ་འཛིན་དཔག་ཏུ་མེད་པ
181b2 དང་།ཤེས་རབ་དཔག་ཏུ་མེད་པ་དང་།རྣམ་པར་གྲོལ་བ་དཔག་ཏུ་མེད་པ་དང་།རྣམ་པར་གྲོལ་བའི་ཡེ་ཤེས་གཟིགས་པ་དཔག་ཏུ་མེད་པ་དང་ལྡན་པའི་ཕྱིར་རོ།།ཀུན་དགའ
181b3 བོ་ཛམྦུའི་གླིང་ཆུ་ཞེང་དང་རྒྱར་དཔག་ཚང་བདུན་སྟོང་ཡོད་པ་འདི་རྒྱུན་དུ་ཞུགས་པ་རྣམས་དང་།ལན་ཅིག་ཕྱིར་འོང་བ་རྣམས་དང་།ཕྱིར་མི་འོང་བ་རྣམས་དང་།དགྲ་བཅོམ་པ
181b4 རྣམས་དང་།རང་སངས་རྒྱས་རྣམས་ཀྱིས་འདི་ལྟ་སྟེ།འབྲ་ས་སཱ་ལུའི་ཞིང་ངམ།ཏིལ་གྱི་ཞིང་ངམ།སྨྱིག་མའི་ཚལ་ལམ།འདམ་བུའི་ཚུལ་ལམ།བུ་རམ་ཤིང་གི་ཚལ
181b5 བཞིན་དུ་གང་བར་གྱུར་པ་དེ་དག་ལ།མི་ལ་ལ་ཞིག་གིས་ཇི་སྲིད་འཚོའི་བར་དུ་ཆོས་གོས་དང་བསོད་སྙོམས་དང་།མལ་སྟན་དང་།ནད་ཀྱི་གསོས་སྨན་དང་།ཡོ་བྱད
181b6 རྣམས་ཀྱིས་ཅི་འདོད་པ་བསྟབས་ཏེ།དེ་དག་ཐམས་ཅད་ཡོངས་སུ་མྱ་ངན་ལས་འདས་ནས་ཀྱང་མཆོད་རྟེན་བྱས་ཏེ།གདུགས་དང་།སེལ་སྙན་དང་།བ་དན་དང་།དྲི་དང་།
181b7 བདུག་པ་དང་།ཕྲེང་བ་དང་།ཕྱེ་མ་དང་།བྱུག་པ་དག་གིས་མཆོད་པ་བྱེད་ལ།གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ
iiif viewer powered by OpenSeadragon
