| e-texts navigator |
| Wylie |
177a1 ནུར་གྱུར་པས་འདི་སྐད་གསོལ་ཏོ།།བཅོམ་ལྡན་འདས་འདི་ལྟ་སྟེ།དཔེར་ན་སྨན་གྱི་ཤིང་ཐམས་ཅད་ནི་སེམས་ཅན་རྣམས་ཀྱི་ནད་ཐམས་ཅད་ཞི་བར
177a2 བགྱིད་དོ།།དེ་བཞིན་དུ་ཆོས་ཀྱི་རྣམ་གྲངས་འདིའང་ནད་ཐམས་ཅད་རབ་ཏུ་ཞི་བར་བགྱིད་པར་བལྟ་བར་བགྱིའོ།།བཅོམ་ལྡན་འདས་ཀྱིས་བཀའ་སྩལ་པ།དེ་དེ་བཞིན
177a3 ནོ།།འཇམ་དཔལ་དེ་དེ་བཞིན་ཏེ།ཁྱོད་ཀྱིས་ཚིག་འདི་ལེགས་པར་སྨྲས་སོ།།ཆོས་ཀྱི་རྣམ་གྲངས་འདི་ནད་ཐམས་ཅད་རབ་ཏུ་ཞི་བར་བྱེད་པའོ།།དེ་ཅིའི་ཕྱིར་ཞེ་ན།
177a4 འཇམ་དཔལ་སྔོན་འདས་པའི་དུས་བསྐལ་པ་གྲངས་མེད་ཅིང་ཤིན་ཏུ་གྲངས་མེད་པ་དེའི་ཚེ་དེའི་དུས་ན།གང་དེ་བཞིན་གཤེགས་པ་དགྲ་བཅོམ་པ་ཡང་དག་པོར་རྫོགས
177a5 པའི་སངས་རྒྱས་སེང་གིའི་སྐྱབས་སུ་འགྲོ་བ་ཞེས་བྱ་བ་ཞིག་འཇིག་རྟེན་དུ་བྱུང་བར་གྱུར་ཏེ།དེས་སྲོག་ཆགས་སྟོང་ཕྲག་དུ་མ་རྣམས་ལ་རྒྱང་རིང་པོ་ནས་ཆོས་ཀྱི་རྣམ
177a6 གྲངས་འདི་བཤད་དོ།།དེའི་ཚེ་འཁོར་དྲིར་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ཞེས་བྱ་བ་འདུས་ཏེ་འདུག་པར་གྱུར་ཏོ།།དེས་དེ་བཞིན་གཤེགས་པ་དེ་ལས
177a7 ཆོས་ཀྱི་རྣམ་གྲངས་འདི་མཉན་ཏོ།།དེ་སེམས་གཡེང་བ་མེད་པ་དང་།ཐེ་ཚོམ་མེད་པ་དང་།ནེམ་ནུར་མེད་པས་ཆོས་ཀྱི་རྣམ་གྲངས་འདི་ཡོན་ཏན་བསྔགས་པ་དང་།
iiif viewer powered by OpenSeadragon
