| e-texts navigator |
| Wylie |
429b1 སྨྲ་བ་དེ་དག་ནི་དེ་བཞིན་གཤེགས་པ་ལ་སྐུར་པ་འདེབས་པའོ།།དེ་ཅིའི་ཕྱིར་ཞེ་ན།འདི་ལྟར་དེ་བཞིན་ཉིད་ནི་གཡོ་བ་མེད་པ་རློམ་སེམས་པའོ།།འདི་ལྟར་དེ་བཞིན་ཉིད་ནི་ཉམས་པ
429b2 མེད་པའོ།།འདི་ལྟར་དེ་བཞིན་ཉིད་ནི་སྟོང་པའོ།།མཚན་མ་མེད་པའོ།།སྨོན་པ་མེད་པའོ།།ཡང་བཙུན་པ་ཤཱ་རིའི་བུ་གང་འདས་པའི་དེ་བཞིན་ཉིད་དེའང་དམིགས་སུ་མེད།དང
429b3 མ་འོངས་པའི་དེ་བཞིན་ཉིད་དེའང་དམིགས་སུ་མེད།གང་ད་ལྟར་བྱུང་བའི་དེ་བཞིན་ཉིད་དེའང་དམིགས་སུ་མེད་པ་ནས་དེ་བཞིན་དུ་སྦྱར་ཏེ།སེམས་ཀྱི་བར་གྱི་རང་བཞིན་ཉིད་དེའང
429b4 དམིགས་སུ་མེད་དོ།།འོན་ཀྱང་བཙུན་པ་ཤཱ་རིའི་བུ་དེ་བཞིན་ཉིད་མ་གཏོགས་པར་གང་བསྟན་པའམ།རབ་ཏུ་བཤད་པར་ནུས་པའི་ཆོས་གཞན་གང་ཡང་མི་དམིགས་སོ།།ཤཱ་རཱིའི
429b5 བུས་སྨྲས་པ།འཇམ་དཔལ་དེ་བཞིན་གཤེགས་པ་དེ་བཞིན་ཉིད་ལ་བཞུགས་ནས་ཆོས་སྟོན་ཏམ།འཇམ་དཔལ་གྱིས་སྨྲས་པ།བཙུན་པ་ཤཱ་རིའི་བུ་དེ་བཞིན་ཉིད་ཡོད་པ་མ་ཡིན
429b6 ན།ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན།བཙུན་པ་ཤཱ་རིའི་བུ་ཆོས་ཀྱང་ཡོད་པ་མ་ཡིན་ན།ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས
429b7 ཏེ་ཆོས་སྟོན།དེ་བཞིན་གཤེགས་པའང་ཡོད་པ་མ་ཡིན་ན།ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན་ཆོས་ཐམས་ཅད་ཀྱང་ཡོད་པ་མ་ཡིན་ཏེ།
iiif viewer powered by OpenSeadragon
