| e-texts navigator |
| Wylie |
150b1 ཀྱིས་ལེགས་སོ་ཞེས་བྱ་བ་གསོལ་ཏོ།།སྦྱིན་མཛད་ལེགས་སོ་རྟག་ཏུ་ཡབ་འདྲ་ཁྱོད་ལེགས་སོ།།སྦྱིན་མཛད་ལེགས་སོ་གསུང་མཛད་བདེ་གཤེགས་ཁྱོད་ལེགས་སོ།།གཉེན་ཀྱང་ལེགས
150b2 སོ་མཛའ་བོ་སྟོན་པར་གྱུར་པ་ལེགས།།གཅིག་པོ་འདི་ནི་དམྱལ་བ་སྐྱོབ་པ་ཁྱོད་ལེགས་སོ།།ཐུ་བོ་ལེགས་སོ་ལྷ་མི་རྣམས་ནང་བགྲེས་པ་ལེགས།།མཆོད་གནས་ལེགས་སེ་མ་རྣམས
150b3 ནང་ན་དཔའ་བོ་ལེགས།།གསུངས་པ་ལེགས་སོ་བདག་ཉིད་ཆེན་པོར་རབ་དུལ་ལེགས།།མི་རྣམས་ཉོན་མོངས་ནང་སེལ་སྨན་པའི་རྒྱལ་པོ་ལེགས།།གྲོལ་བ་ལེགས་སོ་སྲིད་པ
150b4 གསུམ་ལས་རྣམ་གྲོལ་ལེགས།།སྨན་པ་ལེགས་སོ་ཕན་བཞེད་དམ་པ་སྦྱིན་མཛད་ལེགས།།དཔལ་ཡོན་ཅན་ལེགས་བཀྲ་ཤིས་སྙོམས་པའི་ཐུགས་མངའ་ལེགས།།སྐལ་ལྡན
150b5 ཟླ་བ་ཉ་འདྲ་དྲི་མིང་ཞལ་མངའ་ལེགས།།བློ་ལྡན་མཐོན་མཐིང་སྤྱན་ཡངས་རིང་བ་ལེགས།།དཔལ་ལྡན་ཤངས་འཚམ་ཆ་བྱད་རྨད་དུ་བྱུང་བ་ལེགས།།སླུ་མཁས་སྙན་ཤལ་གསིར
150b6 གྱི་འཕྱང་ཐག་འདྲ་བ་ལེགས།།མཆེ་བ་ཁ་བ་དུར་འདྲ་ལེགས་ལོ་ཕྱག་འཚལ་ལོ།།གཙོ་བོ་བཀྲེས་པ་མགོན་པོ་ཁྱོད་ཀྱིས་དེ་རིང་དུ།།མི་རྣམས་སྦྱིན་པ་དབྱེ་བ་ལེགས་པར་གསུངས
150b7 པ་ལོགས།།སླར་ཞིང་ཚུལ་ཁྲིམས་བཟོད་པ་སྟོབས་དང་ཡེ་ཤེས་དང་།།ཐབས་དང་བསམ་གཏན་རྫུ་འཕྲུལ་སྨོན་ལམ་མཉན་པར་འཚལ།།བཅོམ་ལྡན་འདས་ཀྱིས་དེ་སྐད
iiif viewer powered by OpenSeadragon
