| e-texts navigator |
| Wylie |
148a1 གི་སྦྱིན་པ་འདིས་ན།བདག་སེམས་ཅན་ཐམས་ཅད་ཀྱི་ལུས་རྡོ་རྗེ་ལྟར་མི་ཤིགས་པ་ཡོངས་སུ་རྫོགས་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ།།དེ
148a2 ལ་ཚིག་ཕྱི་མའང་ཡོད་དེ།རྐང་གི་སྦྱིན་པ་འདི་ཡིས་ན།།བདག་གིས་སེམས་ཅན་ཐམས་ཅད་ཀྱི།།རྣག་གི་ལུས་ཀྱི་ཟ་མ་ཏོག།རྡོ་རྗེ་མི་ཤིགས་རྫོགས་བྱེད་ཤོག
148a3 གཞན་ཡང་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ།ཁ་དོག་ཕུན་སུམ་ཚོགས་པ་བྱིན་པས་ནི་ཁ་དོག་དང་ལྡན་པར་འགྱུར་གྱིས་བདག་གིས་ཁ་དོག་ཕུན་སུམ་ཚོགས
148a4 པ་སྦྱིན་པར་བྱ་གོར་མོ་ཆག་སྙམ་སེམས་ཤིང་དྲི་ཕུན་སུམ་ཚོགས་པ་བྱིན་པས་ནི་གྲགས་པའི་དྲི་དང་ལྡན་པར་འགྱུར།རོ་བྲོ་བ་ཕུན་སུམ་ཚོགས་པ་བྱིན་པས་ནི་ཡོ་བྱད་གྱ་ནོམ་པ་རྣམས་ཐོབ
148a5 པར་འགྱུར།རེག་པ་ཕུན་སུམ་ཚོགས་པ་བྱིན་པས་ནི་རྐང་ལག་འཇམ་ཞིང་གཞོན་ཤ་ཆགས་པར་འགྱུར།རང་གི་ལེག་ནས་བྱིན་པས་ནི་བསྙེན་བཀུར་བྱེད་པ་ཐོབ་པར་འགྱུར།གུས
148a6 བཔར་བྱས་ཏེ་བྱིན་པས་ནི་གཉེན་ལ་སོགས་པའི་ནང་དུ་གཞན་གྱིས་བཀུར་སྟི་བྱ་བར་འགྱུར།དུས་སུ་བྱིན་པས་ནི་དེའི་ནོར་རྣམས་དུས་སུ་འགྲུབ་ཅིང་རྒྱས་པར་འགྱུར།མཐུན་པ་དང
148a7 ཡིད་དུ་འོང་བ་བྱིན་པས་ནི་མལ་དང་གོས་ལ་སོགས་པ་ལོངས་སྤྱོད་ཡིད་དུ་འོང་བ་རྣམས་ལ་སེམས་འཇུག་པར་འགྱུར།གཞན་ལ་མི་གནོད་པར་བྱིན་པས་ནི་ལོངས་སྤྱོད་བརྟན་པ་དག
iiif viewer powered by OpenSeadragon
