| e-texts navigator |
| Wylie |
146b1 སེམས་ཅན་ཐམས་ཅད་ཀྱི་ཆོས་ཀྱི་མིག་སྒྲིབ་པ་མེད་པ་ཡོངས་སུ་དག་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ།།དེ་ལ་ཚིག་ཕྱི་མའང་ཡོད་དེ།མིག་གི་སྦྱིན་པ་འདིས་ན་བདག
146b2 བླ་མེད་བྱང་ཆུབ་སངས་རྒྱས་ནས།།སེམས་ཅན་ཀུན་གྱི་ཆོས་ཀྱི་མིག།རྣམ་པར་དག་པར་བྱེད་གྱུར་ཅིག།མིག་བྱིན་བརྟུལ་ཞུགས་བཟང་པོ་དེས།།དྲི་མ་མེད་ཅིང་སྐྱོན་མེད་ལ།།དགྲ།
146b3 ཅིང་ཡངས་ལ་མཛེས་བཟོང་དང་།།ཞི་བའི་མིག་ནི་ཐོབ་པར་འགྱུར།།ུཏྤལ་སྔོན་པོའི་འདབ་འདྲ་དང་།།བྱིའུ་ཀུན་ལིའི་མིག་འདྲ་ཞིང་།།མིག་གི་རྫི་མ་བ་ཡི་འདྲ།།དེ་འདྲའི་མིག་ནི
146b4 དེདུ་ཡིས་འཐོབ།།དེ་ལ་མགོ་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན།རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ།མགོ་བོ
146b5 ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི།བྱང་ཆུབ་སེམས་དཔའ་རྣམས་ཀྱི་ཁམས་གསུམ་ཐམས་ཅད་ལས་ཁྱད་པར་དུ་འཕགས་པའི་མཆོག་ཐམས་ཅད་མཁྱེན་པའི་ཡེ་ཤེས་འཐོབ་པའི
146b6 ཚིག་བླ་དགས་ཡིན་གྱིས།བདག་གིས་མགོ་ཡོངས་སུ་གཏོང་བའི་སྦྱིན་པ་བྱིན་པར་བྱ་གོར་མ་ཆག་སྙམ་མོ།།དེ་མགོ་ཡོངས་སུ་གཏོང་བའི་སྦྱིན་པ་དེ་བྱིན་པ་ན།དེ་བཞིན་གཤེགས་པའི་རྐྱེན་དུ་བབ
146b7 པའི་སྨོན་ལམ་བཞིན་དུ་མགོ་ཡོངས་སུ་གཏོང་བའི་སྦྱིན་པ་འདིས་ན།བདག་སེམས་ཅན་ཐམས་ཅད་འཇིག་རྟེན་གསུམ་ལས་ཁྱད་པར་དུ་འཕགས་པའི་མཆོག་ཐམས་ཅད་མཁྱེན་པའི
iiif viewer powered by OpenSeadragon
