| e-texts navigator |
| Wylie |
6b1 ཞབས་ཀྱི་རྟིང་པ་ཆེ་བ་དང་ཞབས་དང་ཕྱག་གི་མཐིལ་འཇམ་ཞིང་མཉེན་པ་དང་།ཞབས་དང་ཕྱག་གི་སོར་མོའི་བར་དྲ་བར་འབྲེལ་བྱ་དང་།ཞབས་དང་ཕྱག་གི་སོར་མོ་རིང་བ་དང་།ཞབས
6b2 ཀྱི་སྟེང་མཐོ་བ་དང་།རོ་བྲོ་བའི་མཆོག་དང་།དཔུང་མགོ་ཟླུམ་པ་དང་།བདུན་མཐོ་བ་དང་།པགས་པ་སྲ་བ་ལ་གསེར་གྱི་མདོག་འདྲ་བ་དང་།མ་བཏུད་པ་ཕྱག་པུས་མོའི་ལྷ་ང་ལ
6b3 རེག་པ་དང་།ཞབས་རབ་ཏུ་གནས་པ་དང་།ཞབས་དང་ཕྱག་གི་མཐིལ་ན་འཁོར་ལོའི་མཚན་ཡོད་པ་དང་།ཚངས་པའི་དབྱངས་དང་།འདི་དག་ནི་སྐྱེས་བུ་ཆེན་པོའི་མཚན་སུམ་ཅུ།།
6b4 རྩ་གཉིས་ཡིན་ཏེ།དེ་བཞིན་གཤེགས་པའི་སྦྲུ་ལ་འབྱུང་ངོ་།།འཇམ་དཔལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་སུ་གཏོགས་པའི་བསོད་ནམོས་ཀྱི་ཕུང་པོར་བང་གྱུར་པའི
6b5 བསོད་ནམས་ཀྱི་ཕུང་པོ་དེ་གྲངས་མེད་པར་བསྒྱུར་བ་དང་།བསམ་གྱིས་མི་ཁྱབ་པོར་བསྒྱུར་བ་དང་།དཔག་ཏུ་མེད་པར་བསྒྱུར་བ་དང་།བརྗོད་དུ་མེད་པར་བསྒྱུར་བས་དེ་བཞིན་གཤེགས
6b6 པའི་ཆོས་ཀྱི་དུང་དུ་འགྱུར་རོ།།ཆོས་ཀྱི་དུང་དེས་འདུལ་བའི་དབང་དུ་དེ་བཞིན་གཤེགས་པས་འཇིག་རྟེན་གྱི་ཁམས་ཚད་མེད་གྲངས་མེད་པར་དབྱང་ཀྱི་རིག་པར་བྱེད་དོ།།དབྱངས
6b7 ཀྱིས་ཇི་ལྟ་བ་དེ་བཞིན་དུ་འོད་དང་སྐུས་ཀྱང་དེ་བཞིན་ནོ།།འཇམ་དཔལ་དེ་ལྟར་ཤེས་རབ་ཆེན་པོ་ལས་བྱུང་བ་སྙིང་རྗེ་ཆེན་པོས་ཡོངས་སུ་བསྒོས་པ།ཐབས་མཁས་པ་དང་སྨོན
iiif viewer powered by OpenSeadragon
