| e-texts navigator |
| Wylie |
9b1 བསྟོད་ཅིང་།ཡང་དག་པར་གཟེད་བསྟོད་ལ།ཡང་དག་པར་འཛིན་དུ་གཞུག་ཅིང་དངོས་པོ་ངན་པ་དེ་བླང་བར་བྱའོ།།དེ་ཅིའི་ཕྱིར་ཞེ་ན།འདི་ལྟ་སྟེ།སྡུག་བསྔལ་བའི་སྤྱོད
9b2 པ་འདི་ནི་སྦྱིན་པ་བྱ་དཀའ་བ་ཡིན་པའི་ཕྱིར་རོ།།དེ་རྣམ་པར་གཡེང་བའི་སེམས་གདུལ་བའི་ཕྱིར་བསམ་གཏན་ལ་བོསམ་གཏན་པར་བྱེད་དོ།།རྔ་ལྔར་བསམ་གཏན་བྱེད་ཅེ་ན།ཚངས
9b3 པ་འདི་ལ་བྱང་ཆུབ་སེམས་དཔའ་ནི་ཐོག་མ་ཁོ་ནར་ལུས་ལེགས་པར་བསྡམས་པ་ཡིན་ནོ།།ལུས་དབེན་པར་གནས་པ་ཡིན་ནོ།།ལུས་ཀྱི་འདུ་འཛི་རྣམས་ཀྱང་ཡོངས་སུ་སྟོང
9b4 ངོ།།ལུས་ལ་ལྷག་པར་ཆགས་པའང་འདོར་རོ།།ལུས་ལྕི་བ་འམ་ཡང་བའང་ཤེས་སོ།།ལུས་དང་མཐུན་པ་དང་།ལུས་འཚོ་བ་དང་།ལུས་ཀྱི་སྟོབས་ཀྱང་རབ་ཏུ་ཤེས
9b5 སོ།།ངག་ལེགས་པར་བསྡམ་པ་ཡིན་ཏེ།སྨྲ་བ་ཉུང་ཞིང་རྗོད་པ་ཉུང་ངོ་།།དོན་སྨྲ་བ་ཡིན་ཞིང་རིགས་པ་སྨྲ་བ་ཡིན་ཏེ།བྲེ་མོའི་གཏམ་ལ་དགའ་བ་ཡོངས་སུ་སྤངས
9b6 པ་ཡིན་ནོ།།དེ་ཡིད་ལེགས་པར་བསྡམས་པ་ཡིན་ཏེ།མི་དགེ་བའི་རྣམ་པར་རྟོག་པ་ཐམས་ཅད་ཡོངས་སུ་སྤངས་སོ།།དེ་དེ་ལྟར་གནས་གསུམ་ཡོངས་སུ་དག
9b7 པས་སྔོན་པོ་དང་།སེར་པོ་དང་།དམར་པོ་དང་།དཀར་པོའི་གཟུགས་རྣམས་མི་སྣང་བར་བྱ་བའི་ཕྱིར་ནན་ཏན་བྱེད་དེ།དེ་དག་ལ་མཚན་མར་མིང་ཛིན་མངོན་རྟགས
iiif viewer powered by OpenSeadragon
