| e-texts navigator |
| Wylie |
14a1 རྣམས་ལ་ནི་མཁས་པའི་མི།།སྐྱོན་མེད་ཞི་བའི་གནས་འཐོབ་བོ།།དགེ་བའི་ཆོས་རྣམས་མི་སྟེན་ཅིང་།།མི་དགེ་ཆོས་རྣམས་སྟེན་བྱེད་པ།།ཆོས་རྣམས
14a2 ལ་ནི་མི་མཁས་མི།།སྡུག་བསྔལ་བཟོད་དཀའ་གནས་འཐོབ་བོ།།དེ་ནས་མི་མཇེད་ཀྱི་བདག་པོ་ཚངས་པས་ལྷའི་མེ་ཏོག་མནྡ་རཱ་བ་དག་མངོན་པར་སྤྲུལ་ཏེ་བཅོམ་ལྡན་འདས
14a3 ལ་མངོན་པར་གཏོར་ཏོ།།མངོན་པར་གཏོར་ནས་ཀྱང་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་ཞིང་རྗེས་སུ་ཡི་རང་ནས།བཅོམ་ལྡན་འདས་ལ་ལེན་གསུམ
14a4 བསྐོར་བ་བྱས་ཏེ་བཅོམ་ལྡན་འདས་ཀྱི་ཐད་ནས་སོང་ངོ་།།དེ་ནས་བཅོམ་ལྡན་འདས་ཀྱིས་ནམ་ནངས་པར་མཁྱེན་ནས་དགེ་སློང་གི་དགེ་འདུན་གྱི་ཕུང་ལ་གདན་བཤམས་པ་ལ
14a5 བཞུགས་སོ།།བཞུགས་ནས།བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།དགེ་སློང་དགོ་མ་དང་འདྲིར་མི་ཉལ་ཙམ་གྱི་ནམ་གྱི་གུང་ཐུན་ཡང་གཅིག་པུ་དབེན
14a6 པར་འདུག་སྟེ་ནང་དུ་ཡང་དག་བཞག་ན་མི་མཇེད་ཀྱི་བདག་པོ་ཚངས་པས་ཐམས་ཅད་དང་ལྡན་པའི་ཚལ་ཆེན་པོ་འོད་ཀྱིས་སྣང་བར་བྱས་ནས་ང་ག་ལེ་བྱ་དེར་འོངས་ཏེ་ཕྱིན་ནས
14a7 ང་ལ་མངོན་པར་བསྟོད་དེ།སྣརོན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་དོ།།ཕྱོགས་གཅིག་ཏུ་འདུག་ནིས་མི་མཛད་ཀྱི་བདག་པོ་ཚངས་པས་ང་ལོ་འདི་སྲད
iiif viewer powered by OpenSeadragon
