| e-texts navigator |
| Wylie |
6b1 ཅེཆོས་གསོལ་ཏོ།།བཅོམ་ལྡན་འདས་ཅི་ལགས།བྱང་ཆུབ་སེམས་དཔའ་བློ་གྲོས་རྒྱ་མཚོ་ཐག་རིང་པོ་དེ་སྲིད་ཅིག་ན་མཆིས་ཤིང་ཆོས་ཀྱི་རྣམ་གྲངས་འདི་ཉན་ལགས་སམ།བཅོམ་ལྡན།།
6b2 འདས་ཀྱིས་བཀའ་སྩལ་པ།ཤཱ་རིའི་བུ་ཁྱོད་ཇི་ལྟར་ངའི་མདུན་ན་ཆོས་ཀྱི་རྣམ་གྲངས་འདི་ཉན་པ་དེ་བཞིན་དུ་བྱང་ཆུབ་སེམས་དཔའ་བློ་གྲོས་རྒྱ་མཚོའང་འཇིག་རྟེན་གྱི་ཁམས་དོན་འདུག་ནི
6b3 ཆོས་ཀྱི་རྣམ་གྲངས་འདི་ཉན་ཏོ།།ཤཱ་རིའི་བུ་ཁྱོད་ཀྱིས་ཇི་ལྟར་ང་དང་ཐམས་ཅད་དང་ལྡན་པའི་འཁོར་འདི་མཐོང་བ་དེ་བཞིན་དུ།བྱང་ཆུབ་སེམས་དཔའ་བློ་གྲོས་རྒྱ་མཆོས་ཀྱང་ང་དང་ཐམས
6b4 ཅད་དང་ལྡན་པའི་འཁོར་འདི་མཐོང་ངོ་།།གསོལ་པ།བཅོམ་ལྡན་དདས་ཀྱེ་མའོ་ཅི་ཙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མངོན་པར་ཤེས་པའི་ཡེ་ཤེས་ཀྱི
6b5 སྟོབས་འདི་བསམ་གྱིས་མི་ཁྱབ་སྟེ།འདི་ལྟར་ཐོག་རིང་པོ་དེ་སྲིད་ནི་མཆིས་ཀྱང་མིག་གྱིས་གཟུགས་མཐོང་བ་ལ་སྒྲིབ་པ་མ་མཆིས་ཤིང་རྣ་བས་སྒྲ་ཐོས་པ་ལ་སྒྲིབ་པ་མ་མཆིས་པ་ནི་ངོ
6b6 མཚར་ཏོ།།བཅོམ་ལྡན་འདིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོན་ཏན་གྱི་ཆེ་བ་ཉིད་བསམ་གྱིས་མི་ཁྱབ་པ་འདི་ཐོས་ནས་སུ་ཞིག་བླ་ན་མེད་པ་ཡང་དག་པར་རྫོགས
6b7 པའི་བྱང་ཆུབ་ཏུ་སེམས་མེ་བསྐྱེད།གནས་བརྟན་ཤཱ་རིའི་བུས་བསྟན་པ་འདི་བཤད་པའི་ཚེ་ལྷའི་བུ་ཉི་ཁྲི་བཞི་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད
iiif viewer powered by OpenSeadragon
