| e-texts navigator |
| Wylie |
87b1 བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟ་མངོན་སུམ་དུ་སྒྲ་གཅན་ཟིན་གྱི་མ་དང་ལྷན་ཅིག་ཏུ་འདོད་པ་རྣམས་བསྟེན་པ་དང་སྒྲ་གཅན་ཟིན་གྱི་ཡབ་ཏུ་གྱུར་པར་ཡང
87b2 བསྟན་ཏེ།དེ་བསྲ་ན་དེ་བཞིན་གཤེགས་པ་ནི་བསྐལ་པ་དུ་མ་བྱེ་བ་སྙེད་ཀྱིས་འདོད་པའི་ཆུ་བོ་ལས་ངེས་པར་རྒལ་བྱ་མ་ཡིན་ནོ་ཞེས་དེ་སྐད་མ་ཟེར་ཅིག།ཡོངས་སུ་མྱ་ངན་ལས
87b3 འདས་པ་ཆེན་པོ་ནི་རྟག་པ་ཆེན་པོ་ཞེས་བྱ་སྟེ།སེམས་གུད་དུ་མ་གཡེང་བར་ཉོན་ལ་ཐོས་ནས་ཀྱང་གཞན་དག་ལ་སྟོན་ཅིག།དེས་སྐྲག་པར་ཡང་མ་བྱེད་ཅིང་ཡོངས་སུ་མྱ་ངན
87b4 ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི་རིའི་རྒྱལ་པོ་རི་རབ་དེ་ལྟར་མཐོ་ཞིང་དེ་ལྟར་ཐག་གྲུ་ཆེ་བ་ཡུངས་འབྲུའི་ཁོང་དུ་འཇུག་པར
87b5 བྱེད་ལ་རི་རབ་ལ་གནས་པའི་སེམས་ཅན་རྣམས་ལའང་གནོད་པར་མི་འགྱུར་ཏེ།སེམས་ཅན་དེ་དག་གིས་བུ་དྲག་ཅག་གང་དུ་སོང་།གང་དུ་ཁྱེར།གང་དུ་བཅུག་སྙམ་དུ་མི་ཤེས
87b6 ཤིང་མི་མཐོང་ངོ་།།སེམས་ཅན་གཞན་དག་གིས་ནི་བྱང་ཆུབ་སེམས་དཔའ་སེམས་དཔའ་ཆེན་པོ་འདིས་རིའི་རྒྱལ་པོ་རི་རབ་ཡུངས་འབྲུའི་ཁོང་དུ་བཅུག་སྟེ་སྦས་སོ་སྙམ་དུ་ཡང
87b7 དག་པར་ཤེས་ཤིང་ཡང་དག་པར་མཐོང་ངོ་།།དེ་ནས་ཡོང་དེ་རང་གི་གནས་སུ་འཇོག་པར་བྱེད་དེ།མདོ་ཆེན་པོ་འདི་ལ་གནས་པའི་བྱང་ཆུབ་སེམས་དཔའི་སེམས་དཔའ་ཆེན
iiif viewer powered by OpenSeadragon
