| e-texts navigator |
| Wylie |
86b1 ལས་འདས་པ་ལ་དེ་བཞིན་གཤེགས་པའི་གནས་གདགས་པར་མི་ནུས་ཏེ།དེ་བས་ན།ཡང་དག་ཤེས་དང་རྣམ་གྲོལ་བ།།འདོད་པའི་འདམ་དང་ཆུ་བོ་བརྒལ།།མི་གཡོ་བདེ
86b2 བ་ཐབ་རྣམས་ཀྱང་།།གྲང་དུ་སོང་བ་གདགས་སུ་མེད།།གསོལ་པ།བཅོམ་ལྡན་འདས་ཅི་ལགས།ཇི་ལྟར་ལྕགས་གྲངས་པར་གྱུར་ཀྱང་སླད་ཀྱིས་ཡང་ཞུགས་ཀྱིས་ཚ་བར་འགྱུར།
86b3 པ་བཞིན་དུ་གལ་ཏེ་དེ་བཞིན་གཤེགས་པའང་དེ་དང་འདྲ་བར་གྱུར་ན་ནི་མི་རྟག་པར་འགྱུར་ལགས་སོ།།བཀྲའ་སྩལ་པ།དེ་བཞིན་གཤེགས་པ་ནི་རྟག་སྟེ།བདག་ཉིད་མེ་ལྟ་བུར
86b4 གྱུར་ནས་ལྕགས་དང་འདྲ་བའི་སེམས་ཅན་མང་པོ་རྣམས་ཡེ་ཤེས་ཀྱི་མེས་བརྡ་སྤྲད་ནས་ཡང་དག་པ་མ་ཡིན་པའི་ཉོན་མོངས་པ་རྣམས་ཟད་པར་མཛད་དོ།།གསོལ་པ།བཅོམ་ལྡན
86b5 འདས་ལེགས་ལགས་སོ།།ལེགས་ལགས་སོ།།དེ་བཞིན་གཤེགས་པའི་རྟག་པ་ཉིད་མ་ལུས་པར་བཤད་དུ་གསོལ།བཀའ་སྩལ་པ།རིགས་ཀྱི་བུ་གཞན་ཡུང་དཔེར་ན
86b6 འཁོར་ལོས་སྒྱུར་བའི་རྒྱལ་པོ་རང་གི་བཙུན་མོའི་འཁོར་དུ་སོང་བ་ལས་ཐང་ཅིག་སྐྱེད་མོས་ཚལ་གཞན་ཞིག་ཏུ་བྱུང་སྟེ།དེ་དེར་སོང་ནས།རྩེ་བར་བྱེད་པ་ན་གང་གི་ཚེ་རྒྱལ་པོ་དེ
86b7 བཙུན་མོའི་འཁོར་ནས་མི་སྣང་བར་གྱུར་པོ་དེའི་ཚེ་ཤིའི་སྙམ་པའི་འདུ་ཤེས་བསྐྱེད་པར་མི་བྱའོ།།རིགས་ཀྱི་བུ་དེ་བཞིན་གཤེགས་པ་ནི་ཆོས་ཉིད་ལས་ཉམས་པར་མི་འགྱུར་ཏེ།།
iiif viewer powered by OpenSeadragon
