| e-texts navigator |
| Wylie |
229b1 བ་དང་།དུད་འགྲོ་དང་།ཡི་དགས་ཀྱི་རྒྱ་མཚོ་ལས་ངེས་པར་བསྒྲལ་བའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་བསྔགས་པར་ཡང་མཛད་ལ་གསོལ་བར་ཡང་མི་མཛད་དོ།།དེ་བཞིན
229b2 གཤེགས་པ་ལོ་དྲུག་གི་བར་དུ་དཀའ་བ་སྤྱད་པས་ཉམ་ཆུང་བར་གྱུར་ཏོ་ཞེས་སངས་རྒྱས་ལ་སེམས་ཅན་ཐམས་ཅད་དང་འདྲ་བར་བལྟ་བར་མི་བྱའོ།།འདོད་པའི་ཆུ་བོ་ལས་བརྒལ
229b3 བ་དེ་དག་ནི་བརྟན་པོ་ཡིན་ཏེ་དཔའ་བོ་དེ་དག་ནི་མིའི་ཡུལ་ལ་སྤྱོད་པ་མ་ཡིན་ནོ།།དེ་བཞིན་དུ་ངའི་ཉན་ཐོས་རྣམས་ཀྱི་སྟོབས་དང་སྤྱོད་ཡུལ་ཡང་བསམ་གྱིས་མི་ཁྱབ་བོ།།སེམས
229b4 ཅན་ཐམས་ཅད་ཟས་ལ་བརྟེན།།ཅེས་བྱ་བའང་ལྷག་མ་ཡོད་པའི་དོན་ཡིན་པར་ཤེས་པར་བྱའོ།།སེར་སྣ་མེད་པ་ཐམས་ཅིང་གཡོ་བ་ཡིན་ཞེས་བྱ་བ་དེའང་ལྷག་མ་ཡོད
229b5 པའི་དོན་ཡིན་ཏེ་བདག་ལ་སེར་སྣ་བྱེད་པ་མི་གཡོ་བའི་བདེ་བར་འགྲོ་བ་དམ་པ་འགའ་ཡང་ཡོད་དོ།།ཐམས་ཅད་ཟས་ཀྱི་ཉེས་པས་ནད་དུ་འགྱུར་ཞེས་བྱ་བ་དེའང་ལྷག་མ་ཡོད
229b6 པའི་དོན་ཡིན་ཏེ་ཚེར་མས་ཟུག་པ་ལ་སོགས་པའི་ནད་གློ་བུར་དག་ཀྱང་ཡོད་དོ།།ཆོས་སྤྱོད་པ་རྣམས་དང་འགྲོགས་པ་ཐམས་ཅད་བདེ་ཞེས་བྱ་བ་དེའང་ལྷག་མ་ཡོད་པའི་དོན
229b7 ཡིན་ཏེ་འཇིག་རྟེན་པ་རྣམས་ལའང་ཆོས་འཛིན་པ་རྣམས་དང་འཚམ་པའི་ཆོས་རྣམ་པ་མང་པོ་དག་ཡོད་དེ་དེ་དག་ལའང་བྱ་བ་སྣ་ཚོགས་ཡོད་མོད་ཀྱི་སྤྱང་པོ་རྣམ་པ་སྣ་ཚོགས
iiif viewer powered by OpenSeadragon
