| e-texts navigator |
| Wylie |
466a1 ཀྱི་ཆོས་ཡོངས་སུ་བཙལ་བ་ལ་མི་སྐྱོབས་ལེ་ལོའི་སེམས་འདུལ་བ་ཉིད་དང་།བསམ་གཏན་དང་རྣམ་པར་ཐུར་པར་རྣམ་པར་འཕྲུལ་པས་མི་དགེ་པའི
466a2 སེམས་འདུལ་བ་ཉིད་དང་།ཤེས་རབ་ཀྱི་ཕ་རོལ་ཏུ་ཕྱིན་པས་གཏན་ལ་འབེབས་པ་ལ་མཁས་པའི་ཚོགས་སོགས་པས་མི་ཤེས་པའི་སེམས་འདུལ་བ་ཉིད་དང་།ལམ་གྱི་ཚོགས
466a3 བསྐྱེད་པས་ཉོན་མོངས་པ་འདུལ་བ་ཉིད་དང་།ཕྱིན་ཅི་མ་ལོག་པའི་ལམ་བསྐྱེད་པས་བདེན་པའི་ཚོགས་སོགས་པས་འདུལ་བ་ཉིད་དང་།དུས་དང་དུས་མ་ཡིན་པར་དབང་སྒྱུར
466a4 བས་སེམས་འདུལ་བ་ཉིད་དང་།བདག་མེད་པའི་ཆོས་ལ་རྟོགས་པས་བདག་འདུལ་བ་ཉིད་དེ།རིགས་ཀྱི་བུ་བཅུ་པོ་དེ་དག་ནི་བྱང་ཆུབ་སེམས་དཔའ་སེམས་དཔའི
466a5 ཆེན་པོ་རྣམས་ཀྱི་འདུལ་བའི་དངོས་པོའོ།།རིགས་ཀྱི་བུ་གཞན་ཡང་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དུལ་བའི་ས་སྟེ།བཅུ
466a6 གང་ཞེ་ན།འདི་ལྟ་སྟེ།ལུས་ཀྱི་ལས་མི་དགེ་བ་རྣམ་པ་གསུམ་ཡོངས་སུ་སྤོང་བ་སཱ་ལུས་དུལ་བ་ཉིད་དང་།ངག་གི་ལས་རྣམ་པ་བཞི་ཡོངས་སུ་སྤོང་བས་ངག་དུལ་བ་ཉིད
466a7 དང་།ཡིད་ཀྱི་ཉེས་པར་སྤྱོད་པ་རྣམ་པ་གསུམ་ཡོངས་སུ་སྤོང་བས་སེམས་དུལ་བ་ཉིད་དང་།རང་གི་ལུས་ལ་མངོན་པར་ཞེན་པ་མེད་པའི་ཚུལ་གྱིས་ནང་དུལ་བ་ཉིད་དང་།།
iiif viewer powered by OpenSeadragon
