| e-texts navigator |
| Wylie |
465b1 རྣམ་པར་དཔྱད་པའི་སྦྱོར་བ་དང་།སྡུག་པ་དང་མི་སྡུག་པ་ཐམས་ཅད་ལ་མངོན་པར་ཞེན་པ་མེད་པའི་སྦྱོར་བསྟེ།རིགས་ཀྱི་བུ་བཅུ་པོ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས།
465b2 ཀྱི་སྦྱོར་བའོ།།རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མི་ཟད་པ་ལ་རྟོག་པ་བཅུ་སྟེ།བཅུ་གང་ཞེ་ན།འདི་ལྟ་སྟེ།ལུས་མི་ཟད་པ་ལ་རྟོག་པ
465b3 དང་།དངོས་པོ་མི་ཟད་པ་ལ་རྟོག་པ་དང་།ཆོས་མི་ཟད་པ་ལ་རྟོག་པ་དང་།སྲེད་པ་མི་ཟད་པ་ལ་རྟོག་པ་དང་།ལྟ་བ་མི་ཟད་པ་ལ་རྟོག་པ་དང་།ཚོགས་མི་ཟད་པ་ལ་རྟོག་པ་དང་།།
465b4 ཉེ་བར་ལྡན་པ་མི་ཟད་པ་ལ་རྟོག་པ་དང་།མངོན་པར་ཞེན་པ་མེད་པ་མི་ཟད་པ་ལ་རྟོག་པ་དང་།འདུ་བ་མི་ཟད་པ་ལ་རྟོག་པ་དང་།བྱང་ཆུབ་ཀྱི་སྙིང་པོ་ཤེས་པ་མི་ཟད་པ་ལ་རྟོག
465b5 པ་སྟེ།རིགས་ཀྱི་བུ་བཅུ་པོ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མི་ཟད་པ་ལ་རྟོག་པའོ།།རིགས་ཀྱི་བུ་གཞན་ཡང་བཅུ་པོ་འདི་དག་ནི་བྱང་ཆུབ
465b6 སེམས་དཔའ་སེམས་དཔའ་ཆེན་པོ་རྣམས་ཀྱི་འདུལ་བའི་དངོས་པོ་སྟེ།བཅུ་གང་ཞེ་ན།འདི་ལྟ་སྟེ།གཏོང་བའི་ཆར་རབ་ཏུ་འབེབས་པས་སེར་སྣའི་སེམས་འདུལ་བ་ཉིད་དང་།
465b7 ལས་རྣམ་གསུམ་ཡོངས་སུ་སྦྱོང་བས་འཆལ་པའི་ཚུལ་ཁྲིམས་ཀྱི་སེམས་འདུལ་བ་ཉིད་དང་།བྱམས་པསྒོམ་པས་ཁོང་ཁྲོ་བའི་སེམས་འདུལ་བ་ཉིད་དང་།སངས་རྒྱས
iiif viewer powered by OpenSeadragon
