| e-texts navigator |
| Wylie |
460b1 སྡོམ་པ་ནི་ཚུལ་བཞིན་ཡིད་ལ་བྱ་བའི་ཕྱིར་བྱུང་ངོ་།།སྨྲས་པ།འཇམ་དཔལ་ཚུལ་བཞིན་ཡིད་ལ་བྱ་བ་ཅིའི་ཕྱིར་བྱུང་།སྨྲས་པ།ལྷའི་བུ་བྱང་ཆུབ་སེམས་དཔའ་རྣམས་ཀྱི
460b2 ཚུལ་བཞིན་ཡིད་ལ་བྱ་བ་ནི་སོ་སོར་རྟོག་པའི་ཕྱིར་བྱུང་ངོ་།།སྨྲས་པ།འཇམ་དཔལ་སོ་སོར་རྟོག་པ་ཅིའི་ཕྱིར་དྷུང་།སྨྲས་པ།ལྷའི་བུ་བྱང་ཆུབ་སེམས་དཔའ་རྣམས་ཀྱི་སོ།
460b3 སོར་རྟོག་པ་ནི་དྲན་པའི་ཕྱིར་བྱུང་ངོ་།།སྨྲས་པ།འཇམ་དཔལ་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་དག་རྒྱུར་བསྡུ་བ་དང་།འབྲས་བུར་བསྡུ་བར་འགྱུར་བ་དུ།
460b4 འཇམ་དཔལ་གྱིས་སྨྲས་པ།ལྷའི་བུ་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་དག་རྒྱུར་བསྡུ་བ་དང་།འབྲས་བུར་བསྡུ་བར་འགྱུར་པ་ནི་བཞི་པོ་འདི་དག་སྟེ།བཞི་གྲང
460b5 ཞེ་ན།དང་པོ་སེམས་བསྐྱེད་པ་དང་།སྤྱོད་པ་དང་འབྲེལ་པ་དང་།ཕྱིར་མི་ལྡོག་པ་དང་།སྐྱེ་བ་གཅིག་གིས་ཐོགས་པའོ།།དེ་ལ་དང་པོ་སེམས་བསྐྱེད་པ་ནི་སྤྱོད་པ་དང་འབྲེལ་པའི
460b6 རྒྱུར་བལྟའོ།།སྤྱོད་པ་དང་འབྲེལ་བ་ནི་ཕྱིར་མི་ལྡོག་པའི་རྒྱུར་བལྟའོ།།ཕྱིར་མི་ལྡོག་པ་ནི་སྐྱེ་བ་གཅིག་གིས་ཐོགས་པའི་རྒྱུར་བལྟའོ།།སྐྱེ་བ་གཅིག་གིས་ཐོགས་པ་ནི་འབྲས་བུ
460b7 དང་འབྲེལ་པའི་རྒྱུར་བལྟའོ།།ལྷའི་བུ་གཞན་ཡང་དཔེར་ན་ས་བོན་བཏབ་པ་དེ་ལྟ་བུར་ནི་དང་པོ་སེམས་བསྐྱེད་པ་བལྟའོ།།དཔེར་ན་ས་བོན་ལས་མྱུ་གུ་མངོན་པར་འགྲུབ་པ་དེ་ལྟ
iiif viewer powered by OpenSeadragon
