| e-texts navigator |
| Wylie |
297b1 འཇུག་པར་འགྱུར།།དངོས་པོ་རྨི་ལམ་སྒྱུ་མ་འདྲ།།དྲི་ཟའི་གྲོང་ཁྱེར་རྣམས་བཞིན་ཏེ།།སྨིག་རྒྱུ་བ་དང་ཆུ་ཟླ་ལྟར།།རང་གི་རྣམ་རྟོག་རྣམ་པར་བསྒོམས།།འཇུག་པའི
297b2 རྣམ་པས་དེ་བཞིན་ཉིད།།ཡང་དག་ཡེ་ཤེས་དེ་ཡི་གནས།།སྒྱུ་མ་དཔའ་བར་འགྲོ་ལ་སོགས།།ཏིང་ངེ་འཛིན་ནི་གཞན་རྣམས་དང་།།མངོན་པར་ཤེས་དང་དབང་རྣམས་དང་།།
297b3 ཡེ་ཤེས་སྒྱུ་མ་ལྟ་བུ་དང་།།དེ་བཞིན་གཤེགས་པས་དབང་བསྐུར་བ།།ས་ལ་ཞུགས་ནས་ཐོབ་པར་འགྱུར།།གང་ཚེ་འགྲོ་བ་རྣམ་རྟོག་མཐོང་།།དེ་ཚེ་སེམས་ནི་ལྡོག་པར་འགྱུར།།
297b4 སེམས་ནི་རབ་ཏུ་དགའ་བ་དང་།།སངས་རྒྱས་ས་དང་ས་རྣམས་འཐོབ།།གནས་ནི་རབ་ཏུ་གྱུར་པའི་ཕྱིར།།ཇི་ལྟར་སྣ་ཚོགས་ནོར་བུ་བཞིན།།སེམས་ཅན་རྣམས་ཀྱི་དོན་བྱེད་དེ།།
297b5 ཚུལ་གཟུགས་བརྙན་ཇི་བཞིན་ནོ།།ཡོད་དང་མེད་པའི་ཕྱོགས་རྣམས་དང་།།གཉིས་དང་གཉིས་མེད་པ་དང་བྲལ།།ཉན་ཐོས་རང་རྒྱལ་འདས་གྱུར་ན།།ས་བདུན་པོར་ནི་འགྱུར།
297b6 བ་ཡིན།།སོ་སོ་རང་ཆོས་མཐོང་བས་ནི།།ཡང་དག་པ་ཡི་ས་སྦྱངས་ཏེ།།ཕྱི་རོལ་མུ་སྟེགས་རྣམས་སྤངས་པའི།།ཐེག་པ་ཆེན་པོ་བཤད་པར་བྱ།།རྣམ་པར་རྟོག་པར་རབ་གྱུར
297b7 ན།།ཤི་འཕོས་འཇིགས་པ་རྣམས་སྤངས་པ།།རི་བོང་སྤུ་ཡི་ནོར་བུ་བཞིན།།གྲོལ་བ་རྣམས་ལ་ཚུལ་ཡང་བཤད།།ཇི་ལྟར་ཚིག་ལ་ཚིག་གནས་པ།།གལ་ཏེ་རིགས་ལ་རིགས་དེ
iiif viewer powered by OpenSeadragon
