| e-texts navigator |
| Wylie |
297a1 །།བྱེད་པ།།དད་ལྡན་རྣལ་འབྱོར་བརྩོན་ཞིང་མི་རྟོག་པ།།མི་གནས་དོན་ལྔ་རྟེན་པར་གྱུར་པ་དེ།།ཆོས་ཀྱི་རྣམ་པར་གསེར་བཞིན་སྤྱད་པར་བྱ།།བླུན་པས།།
297a2 སྲིད་དང་མི་སྲིད་རྐྱེན་རྟོག་པ།།དེ་ནི་ལྟ་ངན་དྲ་བ་དྲི་མར་བཅས།།འདོད་ཆགས་ཞེ་སྡང་གཏི་མུག་བཅས་པ་ལྡོག།ཆགས་མེད་སངས་རྒྱས་ཕྱག་གིས་དབང་བསྐུར་འགྱུར།།
297a3 མུ་སྟེགས་རྒྱུ་ཡི་ཕྱོགས་ཀྱིས་བསླད།།གཞན་ཡང་རྐྱེན་གྱིས་རྣམ་པར་རྨོངས།།གཞན་དག་རྒྱུ་མེད་དེ་འབྱུང་བས།།དོན་མེད་པ་ནི་ཆད་པའོ།།ཡིད་དང་རྣམ་པར་ཤེས་པ
297a4 དང་།།རྣམ་པར་སྨིན་པ་གྱུར་པ་སྟེ།།ཡིད་ནི་ཀུན་གཞི་ལས་བྱུང་བ།།རྣམ་པར་ཤེས་པ་ཡིད་ལས་བྱུང་།།ཀུན་གཞི་ལས་ནི་སེམས་ཀུན་ཀྱང་།།དབའ་རླབས་བཞིན་དུ
297a5 འབྱུང་བར་འགྱུར།།ཐམས་ཅད་བག་ཆགས་རྒྱུ་ལས་བྱུང་།།རྐྱེན་བཞིན་དུ་ནི་འབྱུང་བའོ།།སྐད་ཅིག་ཐ་དད་འབྲེལ་པས་སྦྲེལ།།རང་གི་སེམས་ནི་དོན་ལ་འཛིན།དབྱིབས
297a6 ཀྱི་མཚན་ཉིད་རྣམ་པར་དག།ཡིད་དང་མིག་ལ་སྲོགས་ལས་བྱུང་།།ཐག་མ་མེད་ནས་རྣམ་པར་འབྲེལ།།དོན་སྣང་བག་ཆགས་རྣམས་ལས་བྱུང་།།ཇི་ལྟར་སྣང་བ་སེམས
297a7 སྣང་སྟེ།།མུ་སྟེགས་ལྟ་བ་བཟློག་པ་ཡི།།དེ་ཡི་རྒྱུས་བྱུང་གཞན་ཉིད་ཀྱང་།།དེ་ལ་དམིགས་ནས་འཇུག་པར་འགྱུར།།དེ་ལས་ལྟ་བ་ཤེས་པ་དག།འཁོར་བར་རབ་ཏུ
iiif viewer powered by OpenSeadragon
