| e-texts navigator |
| Wylie |
294b1 བར་འགྱུར།།གང་ལས་གང་དུ་འཇུག་པ་ཡི།།སེམས་ནི་ལོག་པའི་རྒྱུ་ལས་བྱུང་།།དེ་ནི་རབ་ཏུ་མ་གྲུབ་ན།།ཇི་ལྟར་སྐད་ཅིག་འཇིག་པར་རིག།རྣལ་འབྱོར་ཅན་གྱི་སྙོམས
294b2 འཇུག་དང་།།གསེར་དང་རྒྱལ་བའི་རིང་སྲལ་དང་།།འོད་སྣང་གནས་ཀྱི་གཞལ་མེད་ཁང་།།འཇིག་རྟེན་རྒྱུ་ཡིས་འཇིག་པར་མྱེད།།གནས་པ་རྣམས་དང་ཐོབ་པའི་ཆོས།།
294b3 སངས་རྒྱས་ཡེ་ཤེས་ཕུན་སུམ་ཚོགས།།དགེ་སློང་ཉིད་དང་ཤེས་ཐོབ་རྣམས།།སྐད་ཅིག་མར་ནི་ཇི་ལྟར་མཐོང་།།སྒྱུ་མ་དྲི་ཟའི་གྲོང་སོགས་ཀྱི།།གཟུགས་རྣམས་ཇི་ལྟར་སྐད
294b4 ཅིག་པ།།འབྱུང་བ་རྣམས་ནི་འབྱུང་འགྱུར་མིན།།འགྲོ་བར་འབྱུང་བ་ཆད་མི་བྱེད།།སེམས་ནི་མ་རིག་རྒྱུ་ལས་བྱུང་།།ཐོག་མ་མེད་ནས་བསགས་པ་ཡིན།།སྐྱེ་དང་འཇིག་དང
294b5 ཀུན་འབྲེལ་པར།།རྟོག་གེ་པ་དག་རབ་ཏུ་རྟོག།གྲངས་ཅན་སྨྲ་བ་རྣམ་གཉིས་ཏེ།།གཙོ་བོ་ལས་ནི་འགྱུར་བ་དག།གཙོ་བོ་ཡོད་ན་འབྲས་བུ་ཡོད།།འབྲས་བུ་བདག་ཉིད་རབ
294b6 ཏུ་སྒྲུབ།།གཙོ་བོ་དང་ནི་དངོས་འཇུག་པར།།ཡོན་ཏན་བྱེ་བྲག་རབ་ཏུ་བསྒྲགས།།རྒྱུ་དང་འབྲས་བུ་སྣ་ཚོགས་པ།།འགྱུར་བ་ལ་ནི་མོད་པ་ཡིན།།ཇི་ལྟར་དངུལ་ཆུ་དག་པ་ལ།།
294b7 དྲི་མ་རྣམས་ཀྱིས་མི་ཆགས་པ།།དེ་བཞིན་ལུས་ཅན་ཐམས་ཅད་ཀྱི།།ཀུན་གཞི་གནས་ཀྱང་དག་པའོ།།ཤིང་ཀུན་དྲི་དང་སྒོག་པ་དང་།།སྦྲུམ་མའི་བུར་ནི་མཐོང་བ་དང་།།
iiif viewer powered by OpenSeadragon
