| e-texts navigator |
| Wylie |
288b1 རྒྱུ་ལས་མ་སྐྱེས་རྟོག་པར་བྱེད།།ཡོད་མེད་ཕྱོགས་ལྔས་རྟེན་པའི་རྣམས།།རྨོངས་པས་ཁོང་དུ་མི་ཆུད་དོ།།སེམས་དང་ལྷན་ཅིག་ལྡན་པ་སྟེ།།ཡིད་ལ་སོགས་དང་བྲལ་བ་ཡིན།།
288b2 རྣམ་དག་མཚན་ཉིད་སེམས་ཅན་ནི།།ཡེ་ཤེས་དང་ནི་ལྷན་ཅིག་གནས།།གཟུགས་དང་ལས་ནི་གང་ཡོད་དང་།།ཕུང་པོ་ཡུལ་གྱི་རྒྱུས་བྱུང་དང་།།སེམས་ཅན་རྣམས་ཀྱང་ཉེར
288b3 ལེན་མེད།།གཟུགས་མེད་པ་ན་མི་གནས་སོ།།སེམས་ཅན་མེད་པར་གྱུར་པའི་ཕྱིར།།སེམས་ཅན་སྒྲ་ལ་བདག་མེད་གྱུར།།རྣམ་པར་ཤེས་པའང་མི་འབྱུང་ཕྱིར།།བདག
288b4 མེད་སྨྲ་བ་ཆུད་པར་གྱུར།།དེ་ཡི་གནས་པ་བཞི་པོ་རྣམས།།གཟུགས་མེད་པར་ནི་ཇི་ལྟར་ཡོད།།ཕྱི་ནང་དངོས་པོ་མེད་པའི་ཕྱིར།།རྣམ་པར་ཤེས་པ་མི་འཇུག་གོ།སྲིད
288b5 པྲ་བར་མའི་ཕུང་པོ་རྣམས།།རྟོག་གེ་ཅན་རྣམས་འདོད་པ་ལྟར།།དེ་བཞིན་གཟུགས་མེད་པར་སྐྱེས་པའི།།སྲིད་པའི་གཟུགས་ནི་མེད་དམ་ཅི།།སེམས་ཅན་རྣམ་ཤེས་མེད་ན
288b6 ནི།།ནན་ཏན་མ་བྱས་ཐར་པར་འགྱུར།།མུ་སྟེགས་སླུ་བ་ཐེ་ཚོམ་མེད།།རྟོག་གེ་ཅན་གྱིས་མི་ཤེས་སོ།།དེ་ན་གཟུགས་ཀྱང་ཡོད་པ་སྟེ།།གཟུགས་མེད་པ་ལ་ལྟ་བ་མེད།།དེ
288b7 མེད་པས་ན་གྲུབ་མཐའ་མེད།།ཐེག་པ་མེད་ཅིང་འགྲོ་བ་མེད།།དབང་པོ་རྣམས་དང་ལྡན་པ་ཡི།།བག་ཆགས་ལས་བྱུང་རྣམ་ཤེས་པ།།རྣམ་པ་བརྒྱད་ལས་ཕྱོགས་གཅིག་ནི།།
iiif viewer powered by OpenSeadragon
