| e-texts navigator |
| Wylie |
284b1 པནྡོ།།མི་མཁས་རྣམས་ཀྱིས་རྣམ་བཞིར་བཤད།།རྣམ་པར་རྟོག་པ་གཉིས་འཇུག་ཕྱིར།།དངོས་པོ་ཡོད་དང་དངོས་མེད་མེད།།མཐའ་བཞི་དྲུག་ལས་གྲོལ་བ་སྟེ།།ལྟ་བ
284b2 གཉིས་པོ་རྣམ་སྦྱངས་པ།།མཐོང་ནས་རྣམ་རྟོག་གཉིས་འཇུག་ནི།།མངོན་པར་འཇུག་པར་མི་འགྱུར་རོ།།མ་སྐྱེས་པ་ཡི་དངོས་པོ་རྣམས།།བློ་ནི་རྣམ་པར་ལྡང་བའི་ཕྱིར།།
284b3 སྐྱེས་པའི་དངོས་པོ་དག་ལ་ཡང་།།དེ་དང་འདྲ་ཕྱིར་མི་བརྟག་གོ།ཇི་ལྟར་བདག་དང་གཞན་རྣམས་ནི།།རྟག་ཏུ་ཡོད་མེད་མ་འདྲེས་པ་རྭ།།ལྟ་བུ་རྣམ་གཉིས་བཟློག་པ་ཡི།།
284b4 རིགས་པ་མགོན་པོ་བདག་ལ་གསུངས།།མུ་སྟེགས་སྒྲ་དང་མ་འདྲེས་ཤིང་།།རང་རྒྱལ་ཉན་ཐོས་རྣམས་སྤངས་པ།།རྒྱལ་སྲས་རྣམས་ནི་མི་འཇིག་ཕྱིར།།རྒྱལ་བས་མངོན
284b5 རྟོགས་སྤྱོད་པ་དག།རྣམ་ཐར་རྒྱུ་དང་རྒྱུ་མེད་ཀྱང་།།སྐྱེ་བ་མེད་པར་མཚན་ཉིད་གཅིག།རྣམ་གྲངས་གཞན་གྱིས་དེ་དག་སླུ།།མཁས་པ་རྣམས་ཀྱིས་རྟག་ཏུ་སྤང་།།སྤྲིན་དང
284b6 སྤྲིན་གྱི་ཕུང་པོ་འཇའ་འདྲ་བ།།སྨིག་རྒྱུ་སྐྲ་ཤད་འཛིངས་པ་སྒྱུ་མ་འདྲ།།དངོས་པོ་ཐམས་ཅད་རང་གི་རྟོག་བྱུང་བ།།མུ་སྟེགས་འགྲོ་བ་རང་གི་རྒྱུ་ཡིས་རྟོག།སྐྱེ་བ་མེད་དང་དེ་བཞིན
284b7 ཏེ།།ཡང་དག་མཐའ་དང་སྟོང་པ་ཉིད།།དེ་དག་གཟུགས་ཀྱི་མིང་ཡིན་ཏེ།།དངོས་པོ་མེད་པར་མི་རྟོག་གོ།ལག་དང་བྱེད་པ་འཇིག་རྟེན་ནོ།།དབང་པོ་བརྒྱ་བྱིན་གྲོང་འཇིག།
iiif viewer powered by OpenSeadragon
