| e-texts navigator |
| Wylie |
283b1 རྟེན་རང་གི་སེམས་མཐོང་ན།།རྣམ་པར་རྟོག་པ་མི་འཇུག་གོ།།འདུ་བ་འབྲས་བུ་དོན་གྲུབ་པ།།ཟད་པ་འབྲས་བུ་མ་མཐོང་བ།།འདུ་དང་ཟད་པ་ཡོངས་ཤེས་ན།།རྣམ་པར་རྟོག་པ་མི་འཇུག
283b2 གྲོ།རྟག་དང་མི་རྟག་བྱས་པ་དང་།།མ་བྱས་པ་དང་གཞན་མིན་གཞན།།དེ་ལ་སོགས་པ་ཐམས་ཅད་ནི།།འཇིག་རྟེན་རྒྱང་ཕན་ཚུན་ཡིན་ནོ།།ལྷ་དང་ལྷ་མ་ཡིན་དང་མི།།བྱོལ་སོང
283b3 ཡི་དགོས་གཤིན་རྗེའི་གནས།།གང་དུ་ལུས་ཅན་སྐྱེ་བ་ཡི།།འགྲོ་བ་རྣམ་པ་དྲུག་ཏུ་བཤད།།རབ་འབྲིང་ཐ་མོའི་ལས་རྣམས་ཀྱིས།།དེ་དག་ཏུ་ནི་སྐྱེ་བར་འགྱུར།།དགེ་བ་ཐམས
283b4 ཅད་བསྲུངས་ན་ནི།།ཁྱད་པར་དུའམ་ཐར་པར་འགྱུར།།ཁྱོད་ཀྱིས་དགེ་སློང་སྡེ་རྣམས་ལ།།སྐད་ཅིག་སྐད་ཅིག་དག་ལ་ཡང་།།སྐྱེ་དང་སྐྱེ་དང་འཆི་བཤོད་པ།།དགོངས་པ་དག་ལ
283b5 བཤད་དུ་གསོལ།།ཇི་ལྟར་གཟུགས་ལས་གཟུགས་གཞན་བཞིན།།སེམས་ཀྱང་འདུས་ནས་འཇིག་པར་འགྱུར།།དེའི་ཕྱིར་སློབ་མ་རྣམས་ལ་ནི།།སྐད་ཅིག་གཅིག་ནས་གཅིག
283b6 སྐྱེ་བཤད།།གཟུགས་དང་གཟུགས་ལ་རྣམ་རྟོག་པ།།འབྱུང་དང་འཇིག་པ་དེ་བཞིན་ནོ།།རྣམ་པར་རྟོག་པ་སྐྱེ་བ་ཡིན།།རྣམ་པར་རྟོག་པ་གཞན་མེད་དོ།།སྐད་ཅིག་སྐད
283b7 ཅིག་གང་ངས་བཤད།།འདི་ནི་རྐྱེན་དུ་བཤད་པ་ཡིན།།གཟུགས་སུ་འཛིན་པ་རྣམ་སྤངས་པ།།སྐྱེ་བ་མེད་ཅིང་འཇིག་པ་མེད།།རྐྱེན་དང་རྐྱེན་ལས་སྐྱེས་པ་རྣམས།།མ
iiif viewer powered by OpenSeadragon
