| e-texts navigator |
| Wylie |
282b1 ཤེས་པ་བརྒྱད་དུ་སྐྱེ།།མཚན་ཉིད་ཀྱིས་ནི་གསུམ་ཡིན་ཏེ།།སྣང་བ་མེད་ལ་ལྡོག་པར་འགྱུར།།ཀུན་གཞི་ཡིད་ཀྱི་བདག་ཡིན་ཏེ།།ཤེས་པ་ཉིད་ནི་བདག་གི་ཡིན།།གཉིས
282b2 སུ་འཛིན་པ་རབ་ཏུ་འཇུག།ཡོངས་སུ་རྟོག་ན་ལྡོག་པར་འགྱུར།།གཅིག་དང་ཐ་དད་རྣམ་གྲོལ་ཞིང་།།རྒྱུ་བ་མེད་པར་ནམ་མཐོང་བ།།དེ་ཚེ་བདག་དང་བདག་གིར་ཡང་།།
282b3 གཉིས་སུ་རྟོག་པར་མི་འགྱུར་རོ།།མ་ཞུགས་པར་ནི་རྒྱས་མི་འགྱུར།།རྣམ་པར་ཤེས་པའི་རྒྱུ་ཡང་མིན།།རྒྱུ་དང་འབྲས་བུ་སྤངས་པ་ཡི།།འགགས་པ་འཇུག་པར
282b4 མི་འགྱུར་རོ།།ཅི་ཡི་ཕྱིར་ན་འཇིག་རྟེན་རྣམས།།རྣམ་རྟོག་སེམས་ཙམ་བདག་ལྔ་གསུངས།།རྒྱུ་དང་རྣམ་པར་གྲོལ་བ་ཡི།།མཚན་དང་མཚན་གཞི་རྣམ་སྤངས་པ།།རང
282b5 གི་སེམས་ནི་སྣ་ཚོགས་སྣང་།།མཐོང་བ་ལྟ་བུར་རྣམ་པར་བརྟགས།།སེམས་ཀྱི་སྣང་བ་ཤེས་པ་དང་།།སེམས་ཀྱི་དོན་གཞན་གཟུང་བའི་ཕྱིར།།བློ་ཡིས་གང་ཚེམ་མཐོང
282b6 ན།།མེད་པའི་ལྟ་བར་འགྱུར་བ་ནི།།སེམས་སུ་འཛིན་པར་གྱུར་པའི་ཕྱིར།།ཇི་ལྟར་དེ་ཡི་ཡོད་མི་འབྱུང་།།རྣམ་རྟོག་དངོས་མིན་དངོས་མེད་མིན།།དེ་ཕྱིར་ཡོད་པ་མི་སྐྱེ་སྟེ།།།
282b7 སེམས་སྣང་ཡོངས་སུ་ཤེས་པའི་ཕྱིར།།རྣམ་རྟོག་འཇུག་པར་མི་འགྱུར་རོ།།རྣམ་པར་རྟོག་པ་མི་འཇུག་པ།།རབ་ཏུ་གྱུར་པ་གནས་མེད་པའོ།།བཞི་ཡི་ཕྱོགས་རྣམས་ཕྱིར
iiif viewer powered by OpenSeadragon
