| e-texts navigator |
| Wylie |
281a1 གྱོ་མོ་མ་ཡིན་ཤིང་མ་ཡིན།།བྱིས་པ་རྣམས་ཀྱིས་སྒྱུ་མར་མཐོང་།།སྒྱུ་མ་བྱེད་པས་གནས་མཐོང་ངོ་།།དེ་བཞིན་དངོས་ལ་བརྟེན་བཅས་ཏེ།།ཅི་ཞིག་བྱེ་བྲག
281a2 ཏུ་འགྱུར་ན།།སྣང་བའི་ཚེ་ན་གཉིས་མེད་པར།།ཅི་ཞིག་ཏུ་ནི་ཇི་ལྟར་བརྟག།རྣམ་པར་རྟོག་ལྔ་རྣམ་བརྟགས་མེད།།རྣམ་པར་རྟོག་པའང་མེད་པ་སྟེ།།རྣམ་པར་རྟོག་ལ་མེད།
281a3 པས་ན།།མྱ་ངན་འདས་མེད་འཁོར་བ་མེད།།རྣམ་པར་རྟོག་པ་མེད་པས་ན།།རྣམ་པར་རྟོག་པ་མི་འཇུག་གོ།མ་ཞུགས་ན་ནི་ཇི་ལྟར་སེམས།།སེམས་ཙམ་དུ་ནི་མི་རུང་ངོ་།།
281a4 བསམ་པ་དུ་མ་ཐ་དད་ཕྱིར།།བསྟན་པ་ལ་ནི་སྙིང་པོ་མེད།།སྙིང་པོ་མེད་ཕྱིར་ཐར་པ་མོང།།འཇིག་རྟེན་རྣམ་པ་སྣ་ཚོགས་མེད།།ཇི་ལྟར་བྱིས་པས་བརྟགས་པ་ཡི།།ཕྱི།
281a5 རོལ་གྱི་ནི་སྣང་བ་མེད།།སེམས་ནི་གཟུགས་བརྙན་བཞིན་དུ་སྣང་།།བག་ཆགས་ཀྱིས་ནི་མགོ་ཡུང་བསླང་།།ཡོད་མེད་མ་བྱུང་མེད་པས་ན།།དངོས་པོ་ཐམས་ཅད་མི
281a6 སྐྱེས་ཏེ།།འདི་དག་ཐམས་ཅད་སེམས་ཙམ་མོ།།རྟོག་པ་རྣམས་ཀྱིས་རྣམ་པར་སྤངས།།བྱིས་པ་རྐྱེན་གྱིས་དངོས་པོར་འཆད།།མཁས་པ་དག་ནི་མ་ཡིན་ནོ།།རང་བཞིན
281a7 སེམས་དང་བྲལ་བ་སྟེ།།སེམས་ནི་འཕགས་པར་ཉེར་འགྲོ་ཞི།།གྲངས་ཅན་གཅེར་བུ་ཁྱད་པར་ཅན།།དེ་བཞིན་བྲམ་ཟེ་ཕྱུགས་བདག་རྣམས།།ཡོད་དང་མེད་པའི་ལྷ
iiif viewer powered by OpenSeadragon
