| e-texts navigator |
| Wylie |
280b1 དེ་ཕྱིར་དེ་དག་རྐྱེན་དུ་ཤེས།།དྲོད་གཤེར་སྲ་དང་གཡོ་བ་ཡི།།ཆོས་རྣམས་བྱིས་པས་རྣམ་བརྟགས་ཏེ།།འདི་ནི་འདུས་པ་ཆོས་མ་ཡིན།།དེ་ཕྱིར་ངོ་བོ་ཉིད་མེད་དོ།།ནད་པའི་དབང
280b2 དུ་སྨན་པ་དང་།།བྱ་བ་ཐ་དད་སྟོན་མོད་ཀྱི།།དེ་ལ་གཙུག་ལག་ཐ་དད་མེད།།ནད་ཀྱིས་ཕྱེ་བས་ཐ་དད་དོ།།དེ་བཞིན་རས་ཀྱང་སེམས་ཅན་རྒྱུད།།ཉོན་མོངས་ཉེས་པའི་སྐྱོན་ཆགས
280b3 པ།།དབང་པོ་དག་གི་སྟོབས་ཤེས་ནས།།བྱིས་པ་དག་ལ་ཚུལ་བཤད་དོ།།ཉོན་མོངས་དབང་པོ་ཐ་དད་པས།།ང་ཡི་བསྟན་པ་དབྱེར་མི་ཕྱེད།།ཡན་ལག་བརྒྱད་ལྡན་ཞི་བ་ཡི།།
280b4 ལམ་ནི་ཐེག་པ་གཅིག་ཡིན་ནོ།།རྫ་དང་སྣམ་བུ་ཅོད་པན་རཱ།།རི་བོང་རཱྀ་ནི་མེད་པའི་རྒྱུ།།གྲང་རྒྱུ་ཚོགས་ལས་བྱུང་བ་དེ།།ཁྱོད་ཀྱིས་མེད་པར་ཤེས་མི་བྱ།།ཡོད་པའི་རྒྱུས་ནི
280b5 མེད་པ་སྟེ།།མེད་པ་མེད་པར་མི་རུང་ངོ་།།ཡོད་པ་མེད་པའི་ཟླ་ལས་བྱུང་།།ཕྲན་ཚུན་ཟླ་ཡི་རྒྱུ་ཡིན་ནོ།ཅི་ཞིག་ལ་ནི་གནས་བཅས་ཤིང་།།ཅི་ཞིག་སྣང་བར་སུས་བསམས་པ།།གང
280b6 ལ་རྟེན་པ་ཅི་ཞིག་ནི།།རྒྱུ་མེད་པ་སྟེ་རྒྱུ་མེད་མིན།།གལ་ཏེ་གཞན་ལ་དེ་རྟེན་ཅིང་།།དེ་ཡང་གཞན་ལ་སྣང་གྱུར་ན།།ཐུག་པ་མེད་པར་རབ་འགྱུར་ཏེ།།ཅི་ཞིག་ཅི་ཡང་མེད་པར
280b7 འགྱུར།།ཇི་ལྟར་ལོ་མ་ཤིང་སོགས་ལ།།རྟེན་ཅིང་སྒྱུ་མ་སྣང་བ་ལྟར།།དེ་བཞིན་དངོས་ལ་བརྟེན་བྱས་ཤིང་།།མི་རྣམས་ལ་ནི་སྣ་ཚོགས་སྣང་།།སྒྱུ་མའི་དྲ་བ་ལོ་མ་མིན།།
iiif viewer powered by OpenSeadragon
