| e-texts navigator |
| Wylie |
278b1 པོ་མེད་པས་རྒྱས་གྱུར་པའི།།རྣམ་པར་རྟོག་པ་མི་འབྱུང་ངོ་།།ཇི་ལྟར་ད་ལྟར་མེད་པ་བཞིན།།སྔོན་ཀྱང་དེ་ནི་ཡོད་པ་མིན།།དོན་མེད་པར་ནི་དྲོན་འབྲེལ་སེམས།།ཇི་ལྟ་བུར་ན་འཇུག
278b2 པར་འགྱུར།།དེ་བཞིན་ཉིད་དང་སྟོང་ཉིད་མཐའ།།མྱ་ངན་འདས་དང་ཆོས་ཀྱི་དབྱིངས།།ཆོས་རྣམས་སྐྱེ་བ་མེད་པ་ནི།།དོན་དམ་གྱི་ནི་རང་བཞིན་ནོ།།རྒྱུ་དང་རྐྱེན་ལ་རྟོག་པ་ཡིས།།
278b3 སྲིད་པ་རྒྱུ་མེད་མ་བྱུང་བར།།རབ་ཏུ་ཤེས་པར་མ་གྱུར་པས།།བྱིས་པ་ཡོད་དང་མེད་པར་ལྷུང་།།སྣང་བ་མེད་པར་སེམས་མངོན་ཏེ།།བྱེ་བྲག་ཐོག་མ་མེད་རྒྱས་འབྱུང་།།ཐོག་མ་མེད
278b4 ནས་དོན་མེད་ན།།བྱེ་བྲག་ཅི་ཡིས་སྐྱེ་བར་འགྱུར།།གལ་ཏེ་མེད་པས་རྒྱས་འགྱུར་ན།།དབུལ་པོ་དག་ཀྱང་ནོར་ལྡན་འགྱུར།།དོན་མེད་ཇི་ལྟར་སེམས་སྐྱེ་བ།།ཐུབ་པས་བདག་ལ་བཤད
278b5 དུ་གསོལ།།འདི་དག་ཐམས་ཅད་རྒྱུ་མེད་དེ།།སེམས་ཀྱང་མེད་ཅིང་སྤྱོད་ཡུལ་མེད།།སེམས་ཀྱང་རྒྱས་པར་མི་འགྱུར་ཏེ།།སྲིད་པ་གསུམ་ནི་བྱེད་སྤངས་པའོ།།སྐྱེ་བ་རྣམ་པར
278b6 བཟློག་པའི་ཕྱིར།།མི་སྐྱེ་བ་ནི་རབ་ཏུ་བསྒྲུབ།།རྒྱུ་མེད་སྨྲ་བར་བཤད་པ་ནི།།བྱིས་པ་རྣམས་ཀྱིས་མི་རིག་གོ།འདི་དག་ཐམས་ཅད་མ་སྐྱེས་པ།།དངོས་པོ་མེད་པའང་མ་ཡིན་ཏེ།།
278b7 རྨི་ལམ་སྒྱུ་འདྲ་དྲི་ཟའི་གྲོང་།།རྒྱུ་མེད་པ་ཡི་དངོས་པོ་ཡོད།།མ་སྐྱེས་རང་བཞིན་མེད་པ་དང་།།ཅི་ཕྱིར་སྟོང་པའང་བདག་ལ་གསུངས།།འདུས་པ་དག་ནི་མ་གཏོགས་པར།།ནམ
iiif viewer powered by OpenSeadragon
