| e-texts navigator |
| Wylie |
438b1 རྒྱ་ཆེར་ཡང་དག་པར་སྟོན་ལ།དེ་བཞིན་དུ་ནན་ཏན་དུ་བྱེད་ན་འདི་ནི་བསོད་ནམས་ཀྱི་ཕུང་པོ་དེ་བས་ཆེས་མང་དུ་བསྐྱེད་དོ།།ཀུན་དགའ་བོ་དེ་ལྟ་བས་ན་དེ་བཞིན་གཤེགས་པ་ཆོས
438b2 ཀྱེ་མཆོད་པས་མཆོད་པར་འདོད་པ་དང་།ཤེས་རབ་ཀྱི་སྣང་བ་ཆེན་པོ་བྱེད་པར་འདོད་པས་ཆོས་ཀྱི་རྣམ་གྲངས་འདི་གཟུང་བར་བྱ།ཀླག་པར་བྱ།ནན་ཏན་གྱིས་བསྒྲུབ་པར་བྱ།གཞན
438b3 དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།ཚེ་དང་ལྡན་པ་ཀུན་དགའ་བོ་དང་།བྱང་ཆུབ་སེམས་དཔའ
438b4 སེམས་དཔའ་ཆེན་པོ་སྣང་བ་བསམ་གྱིས་མི་ཁྱབ་པ་དང་།ཡུལ་ཀོ་ས་ལའི་རྒྱལ་པོ་གསལ་རྒྱལ་འཁོར་དང་བཅས་པ་དང་།ལྷའི་དབང་པོ་བརྒྱ་བྱིན་དང་།མོ་མཇེད་ཀྱི་བདག་པོ
438b5 ཚངས་པ་དང་།འཇིག་རྟེན་སྐྱོང་བ་བཞི་དང་།ཐམས་ཅད་དང་ལྡན་པའི་འཁོར་དེ་དང་།ལྷ་དང་།མི་དང་།ལྷ་མ་ཡིན་དང་།དྲི་ཟར་བཅས་པའི་འཇིག་རྟེན་ཡི་རང་སྟེ།
438b6 བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།འཕགས་པ་ཁྱེའུ་སྣང་བ་བསམ་གྱིས་མི་ཁྱབ་པས་བསྟན་པ་ཞེས་བྱ་བ་ཆོས་ཀྱི་རྣམ་གྲངས་རྫོགས་སོ།།།
438b7 རྒྱ་གར་གྱི་མཁན་པོ་སུ་རནྡྲ་བོ་དྷི་དང་།ཞུས་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།།རྒྱ་གར་སྐད་དུ།ཨཱརྱ་ཏ་ཐཱ་ག་ཏཱ་ནཱ་མ་བུདྡྷ་ཀྵེ་ཏྲ་གུ་ཎོཀྟདྷརྨ་པཪྻཱ
iiif viewer powered by OpenSeadragon
