| e-texts navigator |
| Wylie |
437b1 དེ་བཞིན་གཤེགས་པ་དེ་ནི་བར་གྱི་བསྐལ་པ་ཉི་ཤུར་གནས་པར་འགྱུར་རོ།།དེ་ལ་ཉན་ཐོས་བརྒྱད་ཁྲིའི་དགེ་འདུན་ཡོད་པར་འགྱུར་རོ།།བྱང་ཆུབ་སེམས་དཔའ་སུམ་ཁྲི་ཉིས་སྟོང
437b2 གི་དགེ་འདུན་ཡོད་པར་འགྱུར་རོ།།ཀུན་དགའ་བོ་ཅིའི་ཕྱིར་འཇིག་རྟེན་གྱི་ཁམས་དེ་རྣམ་པར་སྤྱོད་པ་ཞེས་བྱ་ཞིང་།བསྐལ་པ་ཀུན་ཏུ་སྣང་བྱེད་ཅེས་བྱ་བར་འགྱུར་ཞེ་ན།ཀུན་དགའ
437b3 བོ་བར་གྱི་བསྐལ་པ་བརྒྱ་སྟོང་མང་པོར་སངས་རྒྱས་ཀྱི་ཞིང་དོར་སྔོན་ནམ་ཡང་དེ་བཞིན་གཤེགས་པ་མི་བྱུང་སྟེ།དེར་དེ་བཞིན་གཤེགས་པ་སྣང་བ་བསམ་གྱིས་མི་ཁྱབ་པ་དེ་འབྱུང་བར
437b4 འགྱུར་བ་དེ་ན།གནས་གཙང་མའི་རིགས་ཀྱི་ལྷ་རྣམས་འདི་སྐད་དུ་བསྐལ་པ་འདི་ནི་ཀུན་ཏུ་སྣང་བ་མེད་པ་ཀུན་ཏུ་སྣང་བ་མེད་པ་སྟེ།དེ་ལ་དེ་བཞིན་གཤེགས་པ་བྱུང་ངོ་ཞེས་ཆེད་དུ་བརྗོད
437b5 པ་ཆེད་དུ་བརྗོད་པར་འགྱུར་བའི་ཕྱིར་རོ།།བྱང་ཆུབ་སེམས་དཔའ་སྣང་བ་བསམ་གྱིས་མི་ཁྱབ་པ་ལུང་བསྟན་པ་བརྗོད་པ་འདི་བཤད་པ་དང་།ཆོས་ཀྱི་རྣམ་གྲངས་འདི་བཤད་པ་ན།།
437b6 ལྷ་དང་མིའི་སྲོག་ཆགས་སུམ་ཁྲི་ཉིས་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།།བྱང་ཆུབ་སེམས་དཔའ་དྲུག་ཅུ་ནི་མི་སྐྱེ་བའི་ཆོས་ལ་བཟོད་པ་ཐོབ་པར
437b7 གྱུར་ཏོ།།ཉན་ཐོས་ལྔ་བརྒྱ་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུནོ་དགའ་བོ་ལ་བཀའ་སྩལ་པ།ཀུན
iiif viewer powered by OpenSeadragon
